ایرانی حملے اسرائیل کے سب سے بڑے جنگی بیس “نیو اتیم ائیر بیس” کو نقصان پہنچانے میں کامیاب
اردو انٹرنیشنل (مانیٹرنگ ڈیسک) ایک سینئر امریکی آفیسر نے “اے بی سی” نیوز کو بتایا کہ کم از کم 9 ایرانی میزائل اسرائیل کے فضائی دفاع میں داخل ہوئے اور 2 اسرائیلی فضائی اڈوں کو نشانہ بنایا.
انہوں نے مزید کہا کہ 5 بیلسٹک میزائل نیواٹیم ایئر بیس پر گرے، جس سے ایک C-130 ٹرانسپورٹ طیارے، ایک رن وے اور اسٹوریج کی سہولیات کو نقصان پہنچا۔
اہلکار نے بتایا کہ 4 اضافی بیلسٹک میزائل نیواٹیم ایئر بیس کو نشانہ بنایا۔
اطلاعات کے مطابق ایرانی حملے اسرائیل کے جنوب میں صحرائے نجف میں واقع سب سے بڑے جنگی بیس نیو اتیم ائیر بیس کو نقصان پہنچانے میں کامیاب ہوگئے۔
غیر ملکی خبر رساں اداروں کے مطابق 5 ایرانی میزائلوں سے نیو اتیم ائیربیس کے 3 رن ویز کو نقصان پہنچا ہے۔
⚡️BREAKING
Satellite images taken today from the Israeli Nevatim air base show damage to the runway due to Iranian missile strikes
Iran seems to have spared the F-35 hangars so as not to increase costs too much for Israel pic.twitter.com/5RJSDu4zyj
— Iran Observer (@IranObserver0) April 14, 2024
نیواتیم ائیربیس اسرائیل کا سب سے بڑا جنگی بیس ہے، اسرائیل نے اس ائیربیس کو نقصان پہنچنے کا اعتراف کر تے ہوئے تصاویر اور ویڈیو بھی جاری کردی ہیں۔
حملوں کے حوالے سے ایرانی حکام کا کہنا ہے کہ اسرائیل کے اس اڈے کو نشانہ بنایا جہاں سے دمشق کے ایرانی سفارتخانے پر حملہ کیا گیا تھا۔
ایران نے 50 فیصد اہداف کو کامیابی سے نشانہ بنانے کا دعویٰ کیا ہے جب کہ اسرائیل نے ایرانی حملوں کو ناکام قرار دیا ہے۔
دوسری جانب امریکی سینٹرل کمانڈ کے مطابق امریکی فوج نے اسرائیل پر حملے کیلئے بھیجے گئے 80 سے زائد ڈرونز اور 6 بیلسٹک میزائل تباہ کیے، میزائل اور ڈرونز ایران اوریمن سے بھیجے گئے تھے۔
امریکی کمانڈ کا مزید کہنا تھا کہ اسرائیل پر 300 سے زیادہ ڈرون اور میزائل حملے کیے گئے۔