نیب ترمیمی آرڈیننس میں 120 دن کی توسیع.
چیئرمین صادق سنجرانی کی صدارت میں سینیٹ کا اجلاس، نگران وزیر قانون عرفان اسلم نے نیب ترمیمی آرڈیننس میں توسیع کی قرارداد پیش کی۔
نیب ترمیمی آرڈیننس میں توسیع کی قرارداد سینیٹ نے کثرت رائے سے منظور کرلی۔
جے یو آئی (ف )کے سینیٹر کامران مرتضٰی نے نیب ترمیمی آرڈیننس میں توسیع کی مخالفت کرتے ہوئے کہا کہ آرڈیننس میں توسیع بغیر سوچے سمجھے کی گئی ہے، آج سپریم کورٹ میں طے ہوگیا صدر انتخابات کی تاریخ دینے میں ناکام رہے، اب صدر کا استعفیٰ بنتا ہے۔
مسلم لیگ ن کے سینیٹر اعظم نذیر تارڑ نے کہا کہ عوام کیلئے قانون سازی کا اختیار پارلیمنٹ کے پاس ہے، اہم قانونی معاملات سیلیکٹڈ بینچ کے سامنے رکھے جاتے تھے،چیف جسٹس نے سارا بینچ بٹھا دیا۔۔
