80 پاکستان کے مرد، خواتین کرکٹربی بی ایل اور ڈیبلیو بی بی ایل ڈرافٹ کے لیے نامزد
اردوانٹرنیشنل(اسپورٹس ڈیسک) تفصیلات کے مطابق آسٹریلیا کی بگ بیش لیگ اور خواتین کی بگ بیش لیگ کے ڈرافٹس کے لیے پاکستان کی نامزدگیوں کا اعلان کر دیا گیا ہے۔
یکم ستمبر کو ہونے والے ڈرافٹ میں مجموعی طور پر 80 پاکستانی مرد اور خواتین کرکٹرز حصہ لیں گے۔
بی بی ایل 2024/25 کے لیے پاکستانی کرکٹرز کی اضافی نامزدگیوں کا بھی انکشاف ہوا ہے ڈرافٹ کے لیے جاری کردہ مجموعی فہرست میں مزید 64 پاکستانی کرکٹرز کو آئندہ ایڈیشن کے لیے نامزد کیا گیا ہے۔
حارث رؤف، شاداب خان، عماد وسیم، اسامہ میر، اور زمان خان جیسے ناموں کا اعلان پہلے ہی کر دیا گیا تھا۔ مجموعی فہرست میں مزید پاکستانی کرکٹرز شامل ہیں.
ان میں فخر زمان، نسیم شاہ، شان مسعود، صائم ایوب، عثمان قادر، سرفراز احمد، عمر اکمل، امام الحق، محمد نواز، فہیم اشرف، حیدر علی اور محمد حسنین شامل ہیں۔
مزید برآں ڈبلیو بی بی ایل کے لیے 11 پاکستانی خواتین کرکٹرز کے نام شامل کیے گئے ہیں جن میں فاطمہ ثناء، ندا ڈار، ڈیانا بیگ، عالیہ ریاض، طوبہ حسن، نشرہ سندھو اور عروب شاہ شامل ہیں بی بی ایل اور ڈبلیو بی بی ایل کے ڈرافٹ یکم ستمبر کو ہوں گے۔
بی بی ایل کا آغاز 15 دسمبر سے پرتھ سکارچرز اور میلبورن سٹارز کے درمیان پرتھ اسٹیڈیم، پرتھ میں افتتاحی میچ سے ہونا ہے جبکہ فائنل 27 جنوری 2025 کو کھیلا جائے گا۔
برسبین ہیٹ اس ٹورنامنٹ کی دفاعی چیمپئن ہے جس نے گزشتہ ایڈیشن کو جیتا تھا فائنل میں سڈنی سکسرز کو 54 رنز سے شکست دی۔
دوسری جانب، ڈبلیو بی بی ایل کا آغاز 27 اکتوبر سے ایڈیلیڈ اسٹرائیکرز اور برسبین ہیٹ کے درمیان ایڈیلیڈ اوول، ایڈیلیڈ میں افتتاحی میچ سے ہوگا، فائنل یکم دسمبر کو کھیلا جائے گا۔
ا
