شام میں اسرائیلی بمباری سے 7 افراد ہلاک ،19 زخمی
اردو انٹرنیشنل (مانیٹرنگ ڈیسک) اسرائیل نے غزہ میں بارہویں ماہ کے دوران جاری اپنی جنگ کے دوران اپنے آڑوس پڑوس کے مسلم ممالک کے خلاف اپنی جنگی جارحیت کے تحت بمباری جاری رکھتے ہوئے شام کو نشانہ بنایا ہے۔ اتوار کی رات دیر گئے کی اسرائیلی بمباری سے شام کے کم از کم سات افراد ہلاک ہو گئے ہیں۔
اسرائیل کی روایت بن گئی ہے کہ وہ اپنے اس پاس کے ملکوں کی زمین پر قبضے کی کوشش کے ساتھ ساتھ انہیں زیر دباؤ رکھنے کے لیے امریکہ و یورپی ملکوں سے ملنے والے گولہ و بارود کی مدد سے بمباری کرتا رہتا ہے ۔ وہ ان بمباریوں کو سرحدی جھڑپوں کے انداز میں دیکھتا ہے لیکن شام لبنان وغیرہ اندر دور تک بمباری کرتا ہے۔ جیسا کہ اتوار کو رات کے وقت وسطی شام میں اسرائیلی فوج نے بمباری کی ہے۔
اسرائیل نے تازہ بمباری کے واقعے میں مسیاف ریجن کو نشانہ بنایا ہے اور متعدد شہریوں کو ہلاک کر دیا ہے۔
بتایا گیا ہے ان ہلاک ہونے والوں ایک باپ بیٹے سمیت تین شہریوں کا ہلاک کیا ہے ۔ یہ باپ بیٹا گاڑی پر سوار تھے۔علاوہ ازیں چار نامعلوم سپاہیوں کو ہلاک کیا ہے۔
شامی معاملات کو برطانیہ میں برطانوی مدد سے کام کرنے والی شامی آبزرویٹری کا کہنا ہے کہ اسرائیلی بمباری سے پندرہ افراد زخمی کر دیے گئے ہیں۔ جبکہ کئی فوجی ٹھکانوں کو بھی نشانہ بنایا گیا ہے۔
خبر رساں ادارے ثنا کے مطابق اتوار کی رات گیارہ بجکر بیس منٹ پر اسرائیل نے مسیاف ریجن میں بمباری کی ہے۔اسرائیل کا دعوی ہے کہ اس نے علاقے میں ایرانی اہداف کو نشانہ بنایا ہے۔
ثنا نیوز ایجنسی کے مطابق میساف میں اسرائیلی بمباری سے 19 افراد زخمی ہوئے ہیں۔
