پنجاب اسمبلی کے 313 نو منتخب ارکان نے حلف اٹھالیا
اردو انٹرنیشنل (مانیٹرنگ ڈیسک) تفصیلات کے مطابق عام انتخابات 2024 کے نتیجے میں بننے والی پنجاب اسمبلی کے 313 نو منتخب ارکان نے بطور قانون ساز حلف اٹھالیا ہے. اسپیکر پنجاب اسمبلی سبطین خان نے نو منتخب اراکین سے حلف لیا.
اسپیکر پنجاب اسمبلی نے آج صبح 10 بجے طلب کیے گئے اجلاس کی 2 گھنٹے سے زائد تاخیر کے بعد ایوان کی کارروائی کا آغاز کیا۔
پنجاب اسمبلی کے نئے اسپیکر اور ڈپٹی اسپیکر کا انتخاب کل کیا جائے گا۔ منتخب ہونے کے بعد سبطین خان اُن سے حلف لیں گے۔
نئے اسپیکر اور ڈپٹی اسپیکر پنجاب اسمبلی کا انتخاب کل خفیہ رائے شماری کے ذریعے ہوگا۔
