WAPDA won the National Challenge Cup 2023-24 title
اردو انٹرنیشنل اسپورٹس ڈیسک تفصیلات کے مطابق اتوار کے روز جناح اسٹیڈیم اسلام آباد میں ہونے والے فائنل میں واپڈا نے سنسنی خیز مقابلے کے بعد ایس اے گارڈنز کو 1-0 سے شکست دی اور نیشنل چیلنج کپ 2023-24 کا ٹائٹل اپنے نام کیا .واپڈا کی جانب سے میچ کا واحد گول محمد یوسف نے کھیل کے 17 ویں منٹ میں کیا۔
اس میچ میں نارملائزیشن کمیٹی کے سربراہ ہارون ملک نے بطور مہمان خصوصی کی حیثیت سے شرکت کی اور کھلاڑیوں کو میڈلز اور ٹرافیاں پیش کیں۔ واپڈا کے کپتان راؤ عمر حیات کو ٹورنامنٹ کا بہترین کھلاڑی قرار دیا گیا جبکہ ایس اے گارڈنز کے گول کیپر سلمان الحق کاکا نے بہترین گول کیپر کا اعزاز حاصل کیا۔ واپڈا کے شائق دوست نے بہترین گول اسکورر کا اعزاز اپنے نام کیا، جبکہ ایچ ای سی کو فیئر پلے ٹرافی سے نوازا گیا۔
