اردو انٹرنیشنل (مانیٹرنگ ڈیسک) پاکستان تحریک انصاف کے چیئرمین بیرسٹر گوہر علی نے حکومت اور پی ٹی آئی کے درمیان مذاکرات کی باز گشت کے حوالے سے کہا ہے کہ سیاسی مسائل کا حل سیاسی بیٹھک سے ہی ہوتا ہے، مذاکرات کا بانئ پی ٹی آئی نے اس سے قبل بھی کہا تھا۔
ڈسٹرکٹ اینڈ سیشن کورٹ اسلام آباد میں میڈیا سے گفتگو کرتے ہوئے چیئرمین پی ٹی آئی کا کہنا تھا کہ مذاکرات کے دوران شرط نہیں رکھی، مطالبات ضرور رکھے ہیں۔
انہوں نے بس بہت ہو گیا، اب ملک کو بہتری کی طرف بڑھانا چاہیے۔ اس سے قبل بھی مذاکرات ہوئے لیکن ایک اسٹیج سے قبل رابطہ ختم ہو گیا۔
بیرسٹر گوہر علی 9 مئی کے حوالے سے کہا کہ تمام مقدمات جعلی ہیں۔9 مئی کے مقدمے میں کیس سے ڈسچارج ہونے کی درخواست دائر کی ہے۔
انہوں نے کہا دنیا بھر میں احتجاج کے دوران گولی نہیں چلی، احتجاج کے لیے مظاہرین بیٹھے نہیں تھے کہ ان پر شیلنگ شروع کر دی گئی تھی۔
