وزیراعظم نےسینیٹر اسحٰق ڈار کو سینیٹ میں قائد ایوان مقرر کردیا
اردو انٹرنیشنل (مانیٹرنگ ڈیسک) وزیراعظم شہبازشریف نے سینیٹ میں اسحٰق ڈار کو قائد ایوان مقرر کردیا۔
ذرائع کے مطابق سینیٹر اسحٰق ڈار کی بطور قائد ایوان تقرری کا نوٹیفکیشن جاری کردیا گیا۔
واضح رہے کہ 14 مارچ کو مسلم لیگ(ن) کے سینئر رہنما اسحٰق ڈار نے پاکستان کے 39ویں وزیر خارجہ کا عہدہ سنبھالا تھا۔
یہ پہلا موقع ہے کہ اسحٰق ڈار نے وزیر خارجہ کا منصب سنبھالا ہے ورنہ اس سے قبل وہ ہمیشہ وزیر خزانہ یا اس سے متعلقہ امور کے ہی ذمے دار رہے۔
