لاہور ہائیکورٹ نے عورت مارچ کو رکوانے کے لیے دائر درخواست خارج کردی
اردو انٹرنیشنل(مانیٹرنگ ڈیسک) تفصیلات کے مطابق لاہور ہائیکورٹ نے عورت مارچ کو رکوانے کے لیے دائر کی گئی درخواست کو ناقابل سماعت قرار دے کر خارج کردیا.
لاہور ہائیکورٹ کے جسٹس شاہد کریم نے شہری اعظم بٹ کی درخواست پر فیصلہ سنایا۔
درخواست میں ڈپٹی کمشنر لاہور سمیت دیگر کو فریق بنایا گیا، درخواست میں مؤقف اختیار کیا گیا تھا کہ عورت مارچ کے کارڈز اور بینرز اسلامی معاشرے کے لیے کسی صورت قابل قبول نہیں.
درخواست میں استدعا کی گئی تھی کہ عدالت ریاست کو عورت مارچ کی غیر اخلاقی تشہیر روکنے کا حکم دے۔
