پاکستان پیپلزپارٹی کے چیئرمین بلاول بھٹو زرداری نےسماجی رابطے کی ویب سائیٹ ایکس ٹویٹر پر اپنے ایک ٹویٹ میں لکھا ہے کہ غزہ پر حملہ، اس کے طویل محاصرے اور اجتماعی سزا نے بے رحمی سے فلسطین کی ننھی جانوں کی معصومیت کو چیر ڈالا ہے۔

انہوں نے لکھا کہ یہ صرف فلسطینی سرزمین پر حملہ نہیں ہے بلکہ ہمارے اور ہمارے بچوں کے مستقبل پر بھیانک حملہ ہے۔ایسی تباہی ناقابل برداشت ہے۔یہ فلسطینیوں کی زندگیوں پر پائی جانے والی ناانصافیوں کا ایک خوفناک ثبوت ہے جس نے ہماری دنیا کو بہت طویل عرصے سے داغدار کر رکھا ہے۔
بے گناہ فلسطینیوں کا جان بوجھ کر قتل عام نسل کشی کے جرائم میں شمار ہوتا ہے.بلاول بھٹو نے اقوام عالم سے آواز اٹھانے کا تقاضا کرتے ہوئے کہا کہ نہ صرف اس پاگل پن کے خاتمے اور جنگ بندی کی اشد ضرورت ہے بلکہ اس جارحیت کا احتساب بھی ہونا چاہیے۔