ٹی ٹوئنٹی ورلڈکپ : آئی سی سی کے سینئر عہدیدار مستعفی
اردو انٹرنیشنل (اسپورٹس ڈیسک ) تفصیلات کے مطابق ٹی ٹوئنٹی ورلڈ کپ ابھی ختم ہوا ہے اور آئی سی سی کے اعلیٰ حکام نے اپنے عہدوں سے استعفیٰ دے دیا ہے.
بنیادی وجہ؟ورلڈ کپ کے اس ایڈیشن میں حد سے زیادہ خرچ کرنا آئی سی سی کے ہیڈ آف ایونٹس کرس ٹیٹلی اور جنرل منیجر مارکیٹنگ اینڈ کمیونیکیشن کلیئر فرلانگ نے اپنے اپنے عہدوں سے استعفیٰ دے دیا ہے مزید برآں، اخراجات کا آڈٹ اور معاملے کی تحقیقات کھلنے کا امکان ہے۔
آئی سی سی ڈائریکٹر پنکج خمجی نے ٹی ٹونٹی ورلڈکپ کے اووربجٹنگ پر تحقیقات کا مطالبہ کیا اور اخراجات بڑھنے کے معاملات کا جائزہ لینے اور آڈٹ کرانے کے لیے خط لکھا جب کہ پنکج خمجی نے خط تمام بورڈ اراکین کو بھجوایا ہے، اس خط کے ساتھ ہی استعفے آنے شروع ہوگئے۔
رپورٹس میں دعویٰ کیا گیا ہے کہ بجٹ کے زائد اخراجات نے کافی ہلچل مچا دی ہے بورڈ آف ڈائریکٹرز کافی پریشان ہیں اور امید ہے کہ آڈٹ ہو گا ویسٹ انڈیز کے مقابلے امریکہ میں اخراجات بہت زیادہ ہیں جبکہ اس معاملے پر مزید میٹنگ آئی سی سی کے اگلے اجلاس میں سری لنکا میں ہو گی۔
رپورٹس میں مزید دعویٰ کیا گیا ہے کہ امریکہ میں پیسہ بے دریغ خرچ کیا گیا آئی سی سی کا خیال تھا کہ ٹکٹوں کی قیمتوں کے حساب سے اخراجات وصول کیے جائیں گے، لیکن اس کا بڑے پیمانے پر الٹا نتیجہ نکلا۔
آئی سی سی کی اگلی سالانہ کانفرنس اگلے ہفتے سری لنکا میں ہونے والی ہے یہ اہم مسائل بحث کے لیے اہم نکات میں سے ایک ہیں۔
