T20 World Cup: Netherlands defeated Nepal by 6 wickets
اردو انٹرنیشنل (اسپورٹس ڈیسک) تفصیلات کے مطابق ڈیلاس کے گرینڈ پریری اسٹیڈیم میں منگل کو نیدرلینڈز نے ٹی ٹوئنٹی ورلڈ کپ کے میچ نمبر 7 میں نیپال کو 6 وکٹوں سے شکست دی۔
ہالینڈ کے کھلاڑیوں نے 107 رنز کے ہدف کا تعاقب 19ویں اوور میں میکس او ڈاؤڈ کے 48 گیندوں پر ناقابل شکست 54 رنز کی بدولت کیا۔
دوسرے قابل ذکر بلے باز وکرمجیت سنگھ تھے جنہوں نے 28 گیندوں پر 22 رنز بنائے۔
نیپال کی جانب سے سومپال کامی، ابیناش بوہارا اور دیپیندر سنگھ ایری نے ایک وکٹ حاصل کی۔
اس سے قبل تیز گیند باز لوگن وین بیک نے 3 وکٹیں حاصل کیں جبکہ کپتان ٹم پرنگل نے بھی 3وکٹیں حاصل کیں جس کے بعد نیپال پہلے بیٹنگ کرتے ہوئے 106 رنز پر ہی محدود رہا۔
نیپال کی اننگز کا آغاز اچھا نہیں تھا پرنگل نے وکٹ کیپر آصف شیخ کو آؤٹ کیا کشال بھرٹیل 10 گیندوں پر 7 رنز بنا کر وین بیک کے ہاتھوں ایل بی ڈبلیو آوٹ ہو گئے۔
انیل ساہ، نے 12 گیندوں پر 11 رنز بنائے اور پرنگل کی گیند پر وین بیک کے ہاتھوں کیچ آوٹ ہوئے۔
کپتان روہت پاڈیل نے 37 گیندوں پر 35 رنز کے ساتھ ایک اہم کوشش کی لیکن آخر کار پرنگل نے انہیں آوٹ کردیا گلشن جھا نے بیک اینڈ پر 14 رنزے ساتھ تعاون کیا جبکہ کرن کے سی نے 12 گیندوں پر تیز 17 رنز بنائے جس میں 2 چھکے بھی شامل تھے۔
پرنگل نے اپنے چار اوور کے اسپیل میں 2/20 کے اعداد و شماردرج کیےجبکہ وان بیک نے 3/18 وکٹیں حاصل کیں ک پال وین میکرن نے اپنے 4 اوورز میں موثر کردار ادا کرتے ہوئے 19 رنز کے عوض 2 وکٹیں حاصل کیں جبکہ باس ڈی لیڈے 22 رنز کے عوض 2 وکٹیں لینے میں کامیاب رہے۔
