T20 World Cup: Bangladesh bowler reprimanded for violating ICC Code of Conduct
ٹی ٹوئنٹی ورلڈ کپ: آئی سی سی کوڈ آف کنڈکٹ کی خلاف ورزی پر بنگلہ دیشی باولر کی سرزنش
اردو انٹرنیشنل (اسپورٹس ڈیسک) تفصیلات کے مطابق بنگلہ دیش کے تنظیم حسن ثاقب کو آئی سی سی کوڈ آف کنڈکٹ کے لیول 1 کی خلاف ورزی کرتے ہوئے پایا گیا اور نیپال کے خلاف بنگلہ دیش کے آئی سی سی ٹی ٹوئنٹی ورلڈ کپ کے مقابلے کے دوران ایک ڈیمیرٹ پوائنٹ کے ساتھ ان پر میچ فیس کا 15 فیصد جرمانہ عائد کیا گیا ہے۔
تنظیم نے نیپال کی اننگز کے تیسرے اوور میں ایک گیند کرائی تھی اور بلے باز روہت پاڈیل کے ساتھ نامناسب رویہ اور ان کے خلاف جارحانہ انداز اختیار کیا۔
اس واقعے کے بعد، آئی سی سی نے تنظیم کو آئی سی سی کوڈ آف کنڈکٹ کے آرٹیکل 2.12 کا قصوروار پایا جس میں کھیل کے دوران کھلاڑی، کھلاڑی کے معاون عملے، امپائر، میچ ریفری یا کسی دوسرے شخص کے ساتھ نامناسب رویے کا احاطہ کیا گیا ہے.
یہ الزام آن فیلڈ امپائرز احسن رضا اور سیم نوگاسکی نے گروپ مرحلے کے مقابلے کے دوران لگایا تھا اور اس کی حمایت تھرڈ امپائر جے رامان مدانا گوپال اور چوتھے امپائر کمار دھرماسینا نے کی تھی۔
تنظیم نے الزامات کو تسلیم کرتے ہوئے جرم قبول کرنے کے ساتھ ساتھ میچ ریفری رچی رچرڈسن کی طرف سے عائد کردہ پابندی کو بھی قبول کر لیا ہے۔
بنگلہ دیش نے ٹی ٹوئنٹی ورلڈ کپ 2024 کے سپر 8 مرحلے تک رسائی حاصل کر لی ہے کیونکہ انہوں نے سری لنکا، نیدرلینڈز اور نیپال کے خلاف اپنے چار میں سے تین گروپ گیمز جیتے ہیں اور تنزیم کے شاندار باؤلنگ ڈسپلے کے باوجود صرف جنوبی افریقہ سے ہار گئے ۔
نجم الحسین شانتو کی کپتانی میں بنگلہ دیش ٹی ٹوئنٹی ورلڈ کپ 2024 کے سپر 8 مرحلے میں 20 جون کو آسٹریلیا، 22 جون کو بھارت اور 24 کو افغانستان کے خلاف کھیلے گا۔
