لکی مروت میں سیکورٹی فورسز کا دہشت گردوں کے خلاف آپریشن،2 دہشت گرد ہلاک :آئی ایس پی آر
پاک فوج کے شعبہ تعلقات عامہ آئی ایس پی آر کے مطابق ضلع لکی مروت میں سیکورٹی فورسز اور دہشت گردوں کے درمیان فائرنگ کا تبادلہ ہوا۔سیکیورٹی فورسز نے مؤثر طریقے سے دہشت گردوں کے ٹھکانے کا سراغ لگا کر آپریشن کیا جس کے نتیجے میں 2 دہشت گرد ہلاک ہوئے.
ہلاک دہشت گردوں میں آفتاب ملنگ اور دہشت گرد مسعود شاہ شامل .
یہ دہشت گرد سیکورٹی فورسز کے خلاف دہشت گردی کی متعدد کارروائیوں کے ساتھ ساتھ معصوم شہریوں کی ٹارگٹ کلنگ میں بھی سرگرم رہے۔
ہلاک دہشت گردوں کے کے قبضے سے اسلحہ، گولہ بارود اور دھماکہ خیز مواد بھی برآمد ہوا ہے۔
فائرنگ کے تبادلے کے دوران دو بہادر سپاہی؛ سپاہی محمد افضل سکنہ ضلع بھمبر، آزاد کشمیر اور سپاہی ابرار حسین سکنہ ضلع مانسہرہ نے بہادری سے لڑتے ہوئے جام شہادت نوش کیا.
علاقے میں پائے جانے والے دہشت گردوں کے خاتمے کے لیے سرچ آپریشن جاری .
آئی ایس پی آر کے مطابق پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
