سلمان اکرم راجہ اور سردار لطیف کھوسہ کو رہا کردیا گیا : فیملی ذرائع
اردو انٹرنیشنل ( مانیٹرنگ ڈیسک) تفصیلات کے مطابق پاکستان تحریک انصاف کے رہنما سلمان اکرم راجہ اور سردار لطیف کھوسہ کو رات گئے رہا کر دیا گیا ہے۔
پی ٹی آئی رہنماؤں کے فیملی ذرائع نے دونوں کی رہائی کی تصدیق کردی۔
فیملی ذرائع کا بتانا ہےکہ لطیف کھوسہ اور سلمان اکرم راجہ کو پولیس نے اچھرا سے احتجاج کرتے ہوئے گرفتار کیا تھا ،جنہیں رات گئے شخصی ضمانت پر رہا کردیا گیا۔
واضح رہے کہ تحریکِ انصاف کی جانب سے مبینہ انتخابی دھاندلی کے خلاف ملک کے مختلف شہروں سمیت لاہور میں بھی ریلیاں اور احتجاجی مظاہرے منعقد کیے گئے جن پر پولیس نے دھاوا بول دیا تھا۔
پولیس نے گزشتہ روز لاہور میں سردار لطیف کھوسہ، سلمان اکرم راجہ سمیت دیگر پی ٹی آئی رہنماؤں اور کارکنان کو حراست میں لے لیا تھا۔
پولیس نے دفعہ 144 نافذ ہونے کی وجہ سے پی ٹی آئی رہنماؤں و کارکنان کو حراست میں لیا تھا۔
Latest Urdu news, Urdu videos, Urdu blogs and columns – اردو انٹرنیشنل
