اردو انٹرنیشنل اسپورٹس ڈیسک تفصیلات کے مطابق لیورپول کے کھلاڑی محمد صلاح کا ویسٹ ہیم یونائیٹڈ کے خلاف حالیہ کھیل کے دوران اپنے منیجر جورگن کلوپ کے ساتھ جھگڑا ہوا۔ صلاح کو ابتدائی لائن اپ سے باہر رکھا گیا تھا لیکن جب انہیں متبادل کے طور پر آنے کے لیے کہا گیا تو وہ اپنے منیجر کلوپ کے ساتھ بحث کر نے لگے ۔
صلاح کے اس اقدام پر ،پریمیئر لیگ کے سابق کھلاڑی کرس سوٹن نے کہا ، کلوپ کے ساتھ بحث کرنے میں صلاح غلط تھا۔ سوٹن کا کہنا ہے کہ انجری سے واپس آنے کے بعد سے صلاح اچھا نہیں کھیل رہے ہیں، اور انہوں نے اپنے کوچ سے بحث کر کے ایک لائن کراس کی۔
کلوپ، جو اس سیزن کے بعد لیورپول چھوڑ رہے ہیں، نے جون 2017 میں محمد صلاح کو ٹیم میں لائے، اور صلاح ان کے بہترین کھلاڑیوں میں سے ایک رہے ہیں۔ لیکن سوٹن کے خیال میں کلوپ کو ابتدائی لائن اپ کا انتخاب کرنے کا پورا حق ہےاور صلاح کو اس کا احترام کرنا چاہیے۔ کیونکہ کوچ کا فیصلہ حتمی ہوتا ہے کہ کون کھیلے گا .
