فلسطینی جنگجومسلسل اسرائیل کو راکٹ حملوں سے نشانہ بنا رہے ہیں: رپورٹ
اردو انٹرنیشنل (مانیٹرنگ ڈیسک) غزہ پر اسرائیلی جنگ اور زمینی افواج کے مکمل حملے میں 10 ماہ سے زیادہ کا عرصہ گزر چکا ہے، جنگی نگرانی کرنے والے اداروں نے رپورٹ کیا ہے کہ فلسطینی جنگجو تباہ شدہ علاقے سے اسرائیل میں فوجی اہداف کی طرف راکٹ فائر کرنا جاری رکھے ہوئے ہیں۔
امریکہ میں قائم دفاعی تھنک ٹینکس انسٹی ٹیوٹ فار دی اسٹڈی آف وار (ISW) اور کریٹیکل تھریٹس پروجیکٹ کی تازہ ترین میدان جنگ میں اپ ڈیٹ کے مطابق منگل کو حماس اور الاقصیٰ شہداء بریگیڈ دونوں کی جانب سے راکٹ لانچنگ کی اطلاع ملی۔
انسٹی ٹیوٹ فار دی اسٹڈی آف وار اور کریٹیکل تھریٹس پروجیکٹ ISW-CTP کی مشترکہ رپورٹ کے مطابق داغے گئے راکٹوں کا مقصد جنوبی غزہ میں خان یونس کے مشرق میں اسرائیلی حدود میں واقع 3 اسرائیلی فوجی مقامات کو نشانہ بنایا گیا۔
تاہم ان گائیڈڈ میزائلوں کی فائرنگ سے ہلاکتوں یا زخمیوں کی کوئی اطلاع نہیں ہے۔
دوسری جانب تلکرم بٹالین نے کہا کہ اس کے جنگجوؤں نے نور شمس پناہ گزین کیمپ میں اسرائیلی فوجی بلڈوزر کو دیسی ساختہ بم سے اڑا دیا۔
قدس نیوز نیٹ ورک نے ایک ویڈیو پوسٹ کی ہے جس میں اس حملے کے لمحے کو دکھایا گیا ہے۔ فوٹیج میں آگ کا ایک بڑا گولہ دکھایا گیا جس کے بعد گنجان آباد علاقے سے دھوئیں کے بادل اٹھ رہے تھے۔
وفا خبر رساں ایجنسی نے رپورٹ کیا کہ اسرائیل نے چار بلڈوزر فوجی گاڑیوں کے ساتھ تلکرم میں تعینات کیے اور یہ کہ اسرائیلی فورسز نے شہر میں ایک گیراج، سڑکوں اور پانی کے نیٹ ورک کو مسمار کرنے کے لیے مشینوں کا استعمال کیا۔
تغطية صحفية: لحظة استهداف جرافة بعبوة ناسفة بمخيم نور شمس شرق طولكرم pic.twitter.com/mV9zq6mh9w
— شبكة قدس الإخبارية (@qudsn) August 28, 2024
