اردو انٹرنیشنل اسپورٹس ویب ڈیسک تفصیلات کے مطابق سعودی فٹبال ٹیم کے کپتان سپر اسٹار سالم الدوسری نے پاکستانی چائلڈ اسٹار شیس سجاد گُل کی خواہش پوری کردی۔
پاکستانی چائلڈ اسٹار نے سعودی عرب کے کھلاڑی سے ملنے کی خواہش کا اظہار کیا تھا، جس پر سالم الدوسری نے اپنے دورے کے موقع پر پاکستانی بچے سے ملاقات کی۔سپر اسٹار سالم الدوسری (سعودی قومی ٹیم کے کھلاڑی) نے پاکستانی بچے کی فرمائش پوری کرتے ہوئے نہ صرف اس سے ملاقات کی بلکہ ایک ٹی شرٹ بطور تحفہ بھی دی۔
واضح رہے کہ فیفا ورلڈ کپ 2026 کے کوالیفائر راؤنڈ 2 کے میچ کے لیے پاکستان اور سعودی عرب آج اسلام آباد کے جناح اسٹیڈیم میں پاکستانی وقت کے مطابق 8:30 بجے مدِ مقابل ہوں گے .
اس سے قبل پاکستان پہنچنے پر سعودی عرب کے اسٹار کھلاڑی سالم الدوسری نے خوشی کا اظہار کیا۔
سماجی رابطے کی ویب سائٹ ’ایکس‘ پر اپنی ٹوئٹ میں انہوں نے لکھا کہ میں پیارے پاکستان میں بہت خوش ہوں، اور کل جناح اسٹیڈیم میں ملاقات کا منتظر ہوں۔
میں پیارے پاکستان میں بہت خوش ہوں۔
کل جناح اسٹیڈیم میں ملاقات کا میں منتظر ہوں 💚 🇵🇰🇸🇦