Pakistan won the bronze medal in the Pomsey event of the Asian Taekwondo Championship
لاہور: پاکستان نے بدھ کو ویتنام میں ایشین تائیکوانڈو چیمپئن شپ کے پومسے ایونٹ میں کانسی کا تمغہ جیت لیا۔
دا نانگ میں پاکستان پومسے ٹیم نے 30 سے زائد ایونٹ کیٹیگری میں کانسی کا تمغہ حاصل کیا۔ قومی فائٹرز شہباز احمد، مدثر حسین اور محمد ممتاز نے عمدہ مہارت کا مظاہرہ کرتے ہوئے فتح ھاصل کی ۔ ایران نے 8.182 پوائنٹس کے ساتھ طلائی تمغہ جیتا، ویتنام نے 7.630 پوائنٹس کے ساتھ چاندی کا تمغہ جیتا جبکہ چینی تائپے اور پاکستان نے بالترتیب 7.583 اور 7.533 پوائنٹس کے ساتھ کانسی کا تمغہ حاصل کیا۔
سعودی عرب 7.299 پوائنٹس کے ساتھ پانچویں اور ہندوستانی ٹیم 6.349 پوائنٹس کے ساتھ چھٹے نمبر پر رہی۔ پاکستان کی قومی ٹیم کے پومسے کوچ ماسٹر سیونگو چوئی نے قومی کھلاڑیوں کی کارکردگی کو سراہتے ہوئے کہا کہ ان کے فائٹرز نے اپنے حریفوں کے خلاف اپنی پوری صلاحیتیں بروئے کار لاتے ہوئے فتح کے اسٹینڈ پر جگہ بنائی۔
انہوں نے امید ظاہر کی کہ پاکستان ایونٹ میں مزید مثبت نتائج حاصل کرے گا۔ دریں اثنا، پاکستان تائیکوانڈو فیڈریشن کے صدر، کرنل (ر) راجہ وسیم احمد، سی ای او عمر سعید اور سیکرٹری جنرل مرتضیٰ بنگش نے تمغہ جیتنے والوں کو ان کی شاندار کارکردگی اور قوم کے لیے تمغہ جیتنے پر مبارکباد دی۔
