اولمپک کوالیفیکیشن میں پاکستانی نشانہ بازوں کا خراب آغاز

اردو انٹرنیشنل اسپورٹس ڈیسک تفصیلات کے مطابق پاکستان کے نشانے بازوں نے اتوار کو قطر کے شہر دوحہ میں آئی ایس ایس ایف فائنل اولمپک کوالیفکیشن چیمپئن شپ میں خراب آغاز کیا۔ ایونٹ کے پہلے کوالیفکیشن راؤنڈ میں فرخ ندیم نے 21 اور 24 پوائنٹس اسکور کرکے 92 ویں اور ظفر الحق نے 23 اور 20 پوائنٹس اسکور کرکے 128 ویں پوزیشن حاصل کی۔

احمد ولید شیرپاؤ نے 19 اور 22 پوائنٹس کے ساتھ 140 شوٹرز میں 135 ویں پوزیشن حاصل کی۔ اب، وہ پیر کو فائنل کوالیفکیشن راؤنڈ میں شرکت کریں گے۔ واضح رہے کہ اس چیمپئن شپ میں پاکستان کے چھ شوٹرز حصہ لے رہے ہیں۔