اردو انٹرنیشنل اسپورٹس ڈیسک تفصیلات کے مطابق نیشنل چیلنج کپ فائنل راؤنڈ کے میچز میں ، گروپ اے سے پاکستان آرمی اور ایچ ای سی، گروپ بی سے کے آر ایل اور پاکستان نیوی نے 2023 نیشنل چیلنج کپ کے کوارٹر فائنل میں جگہ بنا لی ہے۔
جناح اسپورٹس کمپلیکس، اسلام آباد میں بانچویں روز چار میچوں کا فیصلہ ہوا۔ پہلے میچ میں انیس کے دو اور حسن کے ایک گول کی بدولت پاکستان آرمی نے نمسو کے خلاف 3-0 سے فتح حاصل کی۔ دوسرے میچ میں پاکستان نیوی نے ایس اے فارمز کو 3-0 سے شکست دی۔ اس میچ میں نعمان، فرحان اللہ اور نوید نے ایک ایک گول کیا۔
تیسرے میچ میں ایچ ای سی نے پاکا کو 1-0 سے شکست دی۔ میچ کا واحد گول حلیم نے کیا۔ چوتھے میچ میں کے آر ایل نے ماشا یونائیٹڈ کو 4-0 کی اسکور لائن کے ساتھ شکست دی۔ کے آر ایل کی جانب سے شاہ زیب، نجیب اللہ، وحید اور علی آغا نے ایک ایک گول کیا۔
یہ بھی پڑھیں
پریمیئر لیگ،جواؤ پیڈرو کے گول نے آسٹن ولا کی چیمپئنز لیگ کھیلنے کی امیدوں پر پانی پھیر دیا
