National athlete Shajar Abbas demanded to change the existing running track
اردو انٹرنیشنل سپورٹس ویب ڈیسک تفصیلات کے مطابق پیرس اولمپکس میں کوالیفائی کی تیاری کرنے والے قومی ایتھلیٹ شجر عباس نے پاکستان میں موجود رننگ ٹریک کو ناقص قرار دے کر تبدیلی کا مطالبہ کردیا۔
پاکستان کے تیز ترین ایتھلیٹ شجر عباس شدید گرمی میں لاہور کے پنجاب اسٹیڈیم میں پیرس اولمپکس میں کوالیفائی کرنے کے لیے بھرپور محنت کررہے ہیں۔
شجر عباس پرامید ہیں کہ رواں ماہ روس میں ہونے والے مقابلوں میں وہ پیرس اولمپیکس میں کوالیفائی کرلیں گے، تاہم قومی ایتھلیٹ کا شکوہ ہے کہ پاکستان میں کوئی رننگ ٹریک انٹرنیشل معیار کا نہیں ہے۔
انہوں نے کہا کہ پاکستان میں سب سے اچھا ٹریک پنجاب اسٹیڈیم کا ہے لیکن دنیا بھر میں ایسے ٹریکس پریکٹس کیلیے بھی استعمال نہیں ہوتے ہیں۔
قومی ٹیم کے سپرنٹ کوچ رانا سجاد نے دعویٰ کیا کہ ، اگر کوالیفائنگ راونڈ میں شجر عباس کو شمولیت کا موقع ملا تو یہ دو میٹر ریس میں کوالیفائی کرنے کی صلاحیت رکھتے ہیں ۔
دوسری جانب قومی ایتھلیٹ نے شکوہ کیا ہے کہ نیشنل گیمز 2022 میں ایچ ای سی کی نمائندگی کرتے ہوئے میڈلز حاصل کیے لیکن تاحال ان کی پرائز منی نہیں ملی۔
