مائیک ٹائسن میگا ملین جیک پال سے لڑنے سے پہلے کراس کنٹری فلائٹ پر طبی ایمرجنسی کا شکار
اردو انٹرنیشنل اسپورٹس ڈیسک تفصیلات کے مطابق مشہور باکسر مائیک ٹائسن کی طبیعت میامی سے لاس اینجلس جانے والی پرواز کے دوران اچانک خراب ہوگئی۔ ان کے نمائندوں نے اس بات کی تصدیق کی کہ مائیک ٹائسن کے پیٹ میں موجود السر کی تکلیف بڑھ گئی تھی اوراس کےسبب انہیں متلی ہوئی اور چکر آنے لگے. خوش قسمتی سے جہاز پر موجود طبی عملے نے انہیں بروقت امداد پہنچائی اور اب وہ کافی بہتر محسوس کررہے ہیں.
مائیک ٹائس جہاز میں درجہ اول میں سفر کررہے تھے ان کی اس بیماری کے سبب مسافروں کو جہاز سے اترنے میں چند منٹ کی تاخیر بھی پیش آئی. جب مائیک ٹائس کی طبیعت بگڑی تو جہاز کے عملے نے تمام مسافروں کو آرام سے بیٹھنے کو کہا تاکہ طبی عملہ مائیک ٹائسن کو طبی امداد مہیا کرسکے.اس دوران مسافروں نے مائیک ٹائسن کو پہچان لیا.
اپنی اس خراب صحت کے باوجود لیجنڈری باکسر بیس جولائی کو ڈیلاس میں جیک پال سے فائٹ کرنے والے ہیں. اٹھاون سالہ مایئک ٹائسن نے جون سال دوہزار پانچ کے بعد سے اب تک کوئی پروفیشنل مقابلہ نہیں کھیلا. اگرچہ نومبر دوہزار بیس میں انہوں نے رائے جونز جونیئر کے ساتھ ایک نمائشی میچ کھیلا تھا تاہم وہ ڈرا ہوگیا تھا.
مایئک ٹائسن پیٹ کے السر کی بیماری کےسبب پریشان ہیں لیکن اب ان کی طبیعت سنبھل رہی ہے اور وہ کئی سالوں سے پروفیشنل باکسنگ میچ نہ ہونے کے باوجود بھی رواں سال جولائی میں جیک پال سے ہونے والے مقابلے کی تیاری کررہے ہیں.
