خیبرپختونخوا اور بلوچستان اسمبلیوں کے منتخب اراکین کی حلف برداری کی تقریب آج ہو گی
اردو انٹرنیشنل(مانیٹرنگ ڈیسک) تفصیلات کے مطابق خیبر پختونخوا اور بلوچستان اسمبلی کے اجلاس آج منعقد ہوں گے.
دونوں صوبائی اسمبلیوں میں عام انتخابات کے نتیجے میں کامیاب ہونے والے نومنتخب ارکان حلف اٹھائیں گے۔
خیبر پختونخوا اسمبلی میں سپیکر مشتاق غنی نومنتخب ارکان اسمبلی سے حلف لیں گے.
جبکہ دوسری جانب گورنر بلوچستان نے سپیکر میر جان محمد جمالی کی کوئٹہ میں عدم موجودگی کی وجہ سے بلوچستان اسمبلی کے افتتاحی اجلاس کی صدارت کیلئے انجنیئر زمرک اچکزئی کو نامزد کیا گیا ہے.
اراکین کے حلف لینے کے بعد اسمبلی کے نئے سپیکر اور ڈپٹی سپیکر کے انتخاب کے لیے شیڈول کا اعلان کیا جائے گا۔
دونوں اسمبلیوں کی جانب سے سپیکر اور ڈپٹی سپیکر کے عہدوں کیلئے امیدواروں کے ناموں کا اعلان اب تک نہیں کیا گیا ہے۔
