توشہ خانہ کیس میں عمران خان اور بشری بی بی کو 14 سال قیدِ بامشقت کی سزا
اردو انٹرنیشنل( راولپنڈی) تفصیلات کےمطابق احتساب عدالت کے جج محمد بشیر نے اڈیالہ جیل راولپنڈی میں سماعت کے دوران توشہ خانہ کیس میں بانی پی ٹی آئی عمران خان اور بشری بی بی کو 14 سال قید اور 787 ملین روپے جرمانہ کی سزا کا حکم سنایا ہے. دونوں ملزمان کو دس سال کیلئے کسی بھی عوامی عہدے کیلئے بھی نا اہل قرار دے دیا گیا ہے.
یاد رہے کہ گزشتہ روز سائفر کیس میں بھی عمران خان کو دس سال قید کی سزا سنائی گئی تھی.
توشہ خانہ کیس میں عمران خان پر یہ الزام تھا کہ انہوں نے توشہ خانہ سے حاصل ہونے والے تحائف کو فروخت کیا تھا اور اُس سے جو آمدن حاصل ہوئی اُسے اثاثوں میں ظاہر نہیں کیا. چنانچہ الیکشن کمیشن آف پاکستان نے 21 اکتوبر 2022 کو بانی پی ٹی آئی عمران خان کے خلاف دائر کردہ توشہ خانہ کیس میں ان کو نااہل قرار دے دیکر ان کے خلاف فوجداری کاروائی کی درخواست عدالت کو بھیجی تھی جس میں پیش نہ ہونے کی وجہ سے عمران خان کے خلاف ناقابل ضمانت وارنٹ گرفتاری جاری ہوئیے تھے.
