جنرل فیض حمید کا نام غلطی سے زبان پر آگیا تھا, مولانا فضل الرحمان
اردو انٹرنیشنل ( مانیٹرنگ ڈیسک ) تفصیلات کے مطابق جمیعت علمائے اسلام (ف) کے سربراہ مولانا فضل الرحمان نے نجی ٹی وی چینل ’جی ٹی وی‘ کے پروگرام میں غریدہ فاروقی کو انٹرویو دیتے ہوئے کہا کہ عدمِ اعتماد تحریک کے حوالے سے بات کرتے ہوئے جنرل فیض حمید کا نام غلطی سے زبان پر آگیا تھا. اس میں کوئی شک نہیں کہ وہ وہاں موجود نہیں تھے.
تاہم ان کا کہنا تھا کہ میں سابق آرمی چیف جنرل باجوہ اور جنرل فیض حمید (ر) کو 2018 کے انتخابات میں دھاندلی کا ذمہ دار سمجھتا ہوں، لیکن اس معاملے پر بحث کرنے کے بجائے تاریخ کے حوالے کر دینا چاہیے ۔
مولانا فضل الرحمان نے مزید کہا کہ ہر زمانے میں ہمارے ملک کی سیاست میں اسٹیبلیشمنٹ کا کردار رہا ہے اور ہم چاہتے کہ یہ یہ کردار نہ ہو.
یاد رہے کہ گزشتہ روز مولانا فضل الرحمان نے سماہ نیوز چینل پر ندیم ملک کے پروگرام میں یہ الزام لگایا تھا کہ عمران خان کےحکومت کے خلاف عدمِ اعتماد تحریک جنرل باجوہ اور جنرل فیض حمید کے کہنے پر لائی گئی تھی.
