فیفا ورلڈ کپ 2026 کوالیفائرز راؤنڈ 2 سعودی عرب فٹبال ٹیم پاکستان پہنچ گئی
اردو انٹرنیشنل اسپورٹس ویب ڈیسک تفصیلات کے مطابق فیفا ورلڈ کپ 2026 کوالیفائرز راؤنڈ 2، میچ کے لیے سعودی عرب کی فٹبال ٹیم پاکستان پہنچ گئی ہے.سعودی عرب فٹبال ٹیم چارٹر فلائٹ سے ریاض سے اسلام آباد پہنچی ہے.پاکستان میں تعینات سعودی عرب کے سفیر نواف بن سعید المالکی نے ٹیم کا استقبال کیا .
اس موقعے پر سیکرٹری آئی پی سی ظہور احمد، ڈی جی پی ایس بی شاہد اسلام، چیرمین پرائم منسٹر یوتھ پروگرام رانا مشہود اور پی ایف ایف آفیشلز بھی موجود تھے.
یاد رہے سعودی عرب فٹ بال ٹیم پہلی بار پاکستان کا دورہ کر رہی ہے .سعودی عرب فٹ بال ٹیم کو سخت سکیورٹی میں ایئرپورٹ سے ہوٹل پہنچایا گیا
پاکستان اور سعودی عرب کا ہوم مقابلہ 6 جون کو شیڈول ہے. یہ میچ جناح فٹبال اسٹیڈیم اسلام آباد میں کھیلا جائے گا.