دہشتگردی کا خدشہ،اڈیالہ جیل میں عمران خان سمیت تمام قیدیوں سے ملاقاتوں پر 2 ہفتے کیلئے پابندی
اردو انٹرنیشنل (مانیٹرنگ ڈیسک) ہوم ڈیپارٹمنٹ پنجاب نے دو ہفتوں کے لیے قیدیوں و حوالتیوں کی ملاقاتوں اور جیل وزٹس پر پابندی عائد کردی.
پابندی ملک دشمن ریاست مخالف عناصر اور دہشت گرد گروپوں کی جانب سے سینڑل جیل اڈیالہ کو نشانہ بنائے جانے کے کی اطلاعات و خدشے کے پیش نظر عائد کی گی .
ہوم ڈیپارٹمنٹ پنجاب نے آئی جی جیل خانہ جات پنجاب میاں فاروق نذیر کو احکامات جاری کردیے.
ہوم ڈیپارٹمنٹ پنجاب کے مطابق قانون نافذ کرنے والے اداروں اور انٹیلیجنس ایجنسیز نے سینٹرل جیل اڈیالہ کے حوالے سے تھریٹ الرٹ سے آگاہ کیا ہے ۔
رپورٹ میں کہا گیا ہے کہ انٹرنل سیکورٹی ونگ محکمہ داخلہ پنجاب نے رپورٹس کی روشنی میں اگاہ کیا ہے کہ ریاست مخالف دہشت گروپ جنہیں ملک دشمنوں کی حمایت حاصل ہے ملک بھر میں افراتفری پھیلانے کے لیے سینٹرل جیل اڈیالہ کو نشانہ بنانا چاہتے ہیں ۔
کسی بھی ایسے سانحہ سے بچنے کے لیے ضروری اقدامات کی اشد ضرورت ہے .لہذا سینٹرل جیل اڈیالہ میں تمام قیدیوں و حوالتیوں سے ملاقاتوں و وزٹس پر دو ہفتے تک کے لیے پابندی عائد کی جارھی ہیں ۔
ہوم ڈیپارٹمنٹ پنجاب کے حکم کے مطابق سپیشل برانچ ،انٹیلجنس بیورو اور محکمہ جیل خانہ جات کے عملے کے ذریعے جیل کے اندر 13 مارچ کو سیکورٹی سروے (سرچ آپریشن) کرایا جائے۔
زرائع کے مطابق بم ڈسپوزل سکواڈ کی بی ڈی ٹیم سے بھی جیل کے اندر اور گرد نواح میں سکریننگ کروانے کا حکم ۔
جیل کی باؤنڈری وال پر خاردار تار لگانے کا بھی حکم اور جیل کے اندر بھی سپاٹ چیکنگ کرانے کا حکم دیا گیا ہے.
ہوم ڈیپارٹمنٹ کے مطابق جیل میں کام کرنے والے سرکاری ٹھیکداروں و عملے کی سیکورٹی کلیرنس کرانے کا بھی حکم ۔
ذرائع کے مطابق سیکورٹی یقینی بنانے کے لیے پولیس ۔رینجرز کے زریعے فرضی ہنگامی مشقیں اور کلیرنس آپریشن کرنے کی بھی ہدایت ۔
ہوم ڈیپارٹمنٹ پنجاب کے احکامات پر آئی جی جیل خانہ جات پنجاب میاں فاروق نذیر نے سپرینڈنٹ اڈیالہ جیل اسد جاوید وڑائچ ہو احکامات جاری کردیے ہیں.
سینٹرل جیل اڈیالہ میں سیکورٹی سروے و کلیرہنس آپریشن کے مکمل ہونے تک قیدیوں و حوالتیوں سے ملاقاتوں ،جیل میں وزٹس پر دو ہفتوں کے لیے ہابندی رھے گی .
سینٹرل جیل اڈیالہ راولپنڈی مین سابق وزیر اعظم بانی پی ٹی آئی ،سابق وزیر اعلی پنجاب چودھری پرویز الٰہی,سابق وزیر خارجہ شاہ محمود قریشی سمیت وفاقی وزراء اور ہائی پروفائل اسیران بھی اسیر ہیں.
جیل کے باہر سے گزشتہ ہفتے پولیس اور سی ٹی ڈی نے تین افغان دہشتگردون کو گولہ بارود و جیل کے نقشے سمیت گرفتار کیا تھا .
جیل کے سرکاری نمبروں پر دو مرتبہ جیل کو نشانہ بنانے کے حوالے سے دھمکی آمیز کالز بھی مل چکی ہیں جسکا مقدمہ بھی درج ہے.