ایف اے کپ، مانچسٹر یونائیٹڈ نے نوٹنگھم فاریسٹ کو ہرا کر کوارٹر فائنل میں رسائی حاصل کرلی
ایف اے کپ کے راؤنڈ 5 میں مانچسٹر یونائیٹڈ اور نو ٹنگھم فارسٹ کا مقابلہ ہوا ۔ میچ سے قبل مانچسٹر یونائیٹڈ کے لیے اچھی خبر یہ تھی کہ دو کھلاڑی فرنینڈس اور رافیل ورانے جن کی فٹنس پر پہلے شکوک و شبہات تھے وہ دونوں ہی کھیلنے کے لیے فٹ تھے ۔
فرنینڈس نے کھیل کے آغاز میں یونائیٹڈ کو ایک بہترین موقع فراہم کیا، فرنینڈس نے الیجینڈرو گارناچو کے ساتھ مل کر پینلٹی ایریا میں ایک نیچا پاس دیا لیکن انٹونی کی کوشش کے باوجود شاٹ کراس بار پر جا لگا۔
اسی لمحے، فرنینڈس ،انتھونی ایلنگا سے ٹکرا گئے، لیکن وہ چوٹ لگنے کے باوجود کھیل میں شامل رہے ۔ اسی وقت، سکاٹ میک ٹومینے نے ڈیوگو ڈیلوٹ کے کراس سے قریبی رینج سے ہیڈر کی کوشش کی، لیکن فاریسٹ کے گول کیپر میٹ ٹرنر نے ان کی کوشش کو ناکام بنا دیا ۔ پہلا ہاف کے اختتام پزیر ہونے پر ، دونوں ٹیموں کے پاس گول کرنے کے مواقع تھے، لیکن کوئی بھی ٹیم کھیل پر مکمل طور پر حاوی نہ ہوسکی۔
پہلے ہاف میں اوونی ہوم ٹیم کے لیے گول کرنے کی کوشش کرنے والے اہم کھلاڑی تھے۔ وہ دوسرے ہاف کے اوائل میں بھی مخالف ٹیم کے لیے خطرہ بنے رہے۔،جس نے یونائیٹڈ کے گول کیپر اونانا کو پنالٹی ایریا کے باہر سے شاٹ کے ساتھ آزمایا۔اونا نے ایک اچھا سیو کیا اور اسکور کو 0-0 پر برقرار رکھا۔ اس کے فوراً بعد، اونانا نے بھی ڈیوک اوریگی کی ایک مضبوط شاٹ کو ناکام بنا دیا ، کیونکہ یونائیٹڈ کو دوسرے ہاف کے آغاز میں فاریسٹ کے دباؤ کا سامنا کرنا پڑا۔ تاہم، یونائیٹڈ نے گھنٹے سے پہلے کھیل پر دوبارہ کنٹرول حاصل کر لیا۔
اس کے بعد یونائیٹڈ کو گول کرنے کا موقع اس وقت ملا جب اینٹونی نے 20 گز کے فاصلے سے شاٹ لیا لیکن فاریسٹ کے گول کیپر ٹرنر نے اسے روک لیا ۔ کھیل کے 63 ویں منٹ مانچسٹر یونائیٹڈ کے بہت سارے شائقین برج فورڈ اسٹینڈ میں بے چینی محسوس کر رہے تھے کیونکہ انہوں نے برونو فرنینڈس کو ایک منفرد شاٹ لگانے کی کوشش کرتے دیکھا لیکن بدقسمتی سےیہ شاٹ گول پوسٹ سے چوک گیا۔
راشفورڈ اور کیسمیرو نے بھی گول کرنے کی کوشش کی لیکن ان کے شاٹس بھی ہدف سے چوک گئے ۔راشفورڈ نے ایک مشکل زاویہ سے شاٹ لیا ،جسےگول کیپر اونانا نے ناکام بنا دیا ۔
کھیل اپنے اختتام کے قریب تھا، اوریہ کسی بھی طرف سے جا سکتا تھا، لیکن مانچسٹر یونائیٹڈ نے فیصلہ کن اقدام کیا۔ کھیل میں صرف ایک منٹ باقی رہ جانے کے بعد، برونو فرنینڈس نے ایک فری کِک لی اور کیسمیرو نے مخالف گول کیپر ٹرنر کے دفاع کو للکارتے ہوئے کافی طاقت کے ساتھ گیند کو جال میں ڈال دیا ۔
ویڈیو اسسٹنٹ ریفری (VAR) کی طرف سے ایک طویل جائزہ لیا گیا کہ آیا کوئی آف سائیڈ ہے، لیکن آخر کار گول کی تصدیق ہو گئی۔ اور یوں مانچسٹر یونائیٹڈ ،نے ایف اے کپ کے کوارٹر فائنل میں جگہ محفوظ کرلی ۔ اگلے راؤنڈ میں ان کا مقابلہ لیورپول سے ہوگا۔
