England Women defeated New Zealand in the second T20I to take the lead in the series
انگلینڈ ویمن نے نیوزی لینڈ کو دوسرے ٹی ٹوئنٹی میں شکست دے کر سیریز میں برتری حاصل کر لی
اردو انٹرنیشنل (اسپورٹس ڈیسک) تفصیلات کے مطابق انگلینڈ کی خواتین کی کرکٹ ٹیم نے ہوو کے کاؤنٹی گراؤنڈ میں نیوزی لینڈ کے خلاف بارش سے متاثرہ دوسرے ٹی ٹوئنٹی میں ڈی ایل ایس کے طریقہ کار پر 23 رنز سے فتح حاصل کی۔
ہوم سائیڈ نے پانچ میچوں کی ٹی ٹوئنٹی سیریز میں نیوزی لینڈ پر 2-0 کی برتری حاصل کر لی، پہلا میچ 59 رنز سے جیتا تھا۔
دو گھنٹے کی بارش کی تاخیر کے بعد میچ کو کم کر کے9 اوورز فی سائیڈ کر دیا گیا انگلینڈ نے پہلے بیٹنگ کرتے ہوئے ایلس کیپسی کے 15 گیندوں پر 2 چوکوں اور 2 چھکوں کی مدد سے 6-89 رنز بنائے۔
اوپننگ بلے باز مایا بوچیئر نے 15 گیندوں پر 23 رنز بنائے جبکہ ہیتھر نائٹ نے مجموعی اسکور میں 15 رنز کا اضافہ کیا نیوزی لینڈ کی جانب سے لیا تاہوہو اور امیلیا کیر نے 2 وکٹیں حاصل کیں۔
جواب میں نیوزی لینڈ نے پاور پلے میں سوفی ڈیوائن اور امیلیا کیر کو جلد کھو دیا چارلی ڈین نے اپنے تنہا اوور میں سوزی بیٹس اور بروک ہالیڈے کو آؤٹ کر کے نیوزی لینڈ کو 4.5 اوورز میں بڑا نقصان پہنچا دیا۔
دریں اثنا، لارین بیل، نیٹ سکیوربرنٹ اور سوفی ایکلیسٹون نے بھی ایک وکٹ حاصل کی اس سے پہلے کہ شدید بارش کے دوران مقابلہ قبل از وقت ختم ہو گیا اور نیوزی لینڈ 6.4 اوورز میں صرف 42 رنز ہی بنا سکا وہ ڈی ایل ایس کے تحت 23 رنز پیچھے تھا.
اب دونوں ٹیمیں تیسرےٹی ٹوئنٹی کے لیے جمعرات کو کینٹربری میں آمنے سامنے ہوں گی۔
