سینٹرل ایشین والی بال چیمپئن شپ،آخری لیگ میچ میں پاکستان نے ایران کو شکست دے دی

اردو انٹرنیشنل اسپورٹس ڈیسک تفصیلات کے مطابق سینٹرل ایشیا والی بال چیمپئن شپ کے آخری لیگ میچ میں ایران کو تین۔ ایک سے شکست دیکر پاکستان نے مسلسل پانچویں کامیابی حاصل کر لی ہے۔

ایران کے خلاف پاکستان نے 18-25، 25-23، 16-25 اور 20-25 سے کامیابی حاصل کی۔

سینٹرل ایشیا والی بال کے لیگ اسٹیج میں پاکستان ٹیم اب تک ناقابل شکست رہی ہے، ایونٹ کا فائنل کل پاکستان اور ترکمانستان کے درمیان کھیلا جائے گا۔