اردو انٹرنیشنل اسپورٹس ویب ڈیسک تفصیلات کے مطابق پاکستان نے ایران کو شکست دے کر انڈر 18 سینٹرل ایشین والی بال چیمپئن شپ جیت لی۔
اُزبکستان کے دارالحکومت تاشقند میں کھیلے گئے چیمپئن شپ کے فائنل میں پاکستان اور ایران مدمقابل تھے ، جہاں پہلے سیٹ میں پاکستان کو 20،25 کے اسکور سے شکست ہوئی لیکن پھر پاکستانی ٹیم نے شاندار کم بیک کیا اور مسلسل تین سیٹ جیت کر گولڈ میڈل اپنے نام کرلیا۔
قومی ٹیم نے 25-20، 18-25، 23-25 اور 25-27 کے اسکور سے کامیابی حاصل کی .
اس فتح کے ساتھ پاکستان نے ایشین انڈر 20 والی بال چیمپئن شپ کیلئے بھی کوالیفائی کرلیا جو 28 جولائی سے بحرین میں شروع ہوگی۔
ایران کے خلاف فائنل میں پاکستان انڈر 18 کے محمد یحییٰ ،طلال احمد اور خضر حیات نے شاندار کارکردگی دکھائی۔
پاکستان کے محمدیحییٰ کو ٹورنامنٹ کا بااثر ترین پلیئر اور بہترین ہٹر کا ایوارڈ دیا گیا جبکہ طلال احمد کو بہترین سیٹر اور جبران کو بہترین بلاکر کا ایوارڈ ملا۔
