معروف امریکن ایئر لائن کا پاکستان میں سروس شروع کرنے کا فیصلہ
امریکہ کی معروف ایئرلاین ریوین الاسکا ایئرلائنز نے پاکستان میں اپنی سروسز شروع کرنے کا فیصلہ کیا ہے ۔ذرائع کے مطابق امریکہ کی ریوین الاسکا ایئرلائنز نے ممکنہ طور پر پاکستان کی سول ایوی ایشن اتھارٹی سے اپنے فلائٹ آپریشنز کے آغاز کیلئے رابطہ کیا ہے .ذرائع کے مطابق امریکی ایئر لائن کی جانب سے پاکستانی سول ایوی ایشن اتھارٹی کو تھرڈ کنٹری آپریٹر لائسنس کیلئے دلچسپی ظاہر کی گئی ہے.
واضح رہے کہ آذربائیجان کی قومی ایئر لائن نے بھی پاکستان میں اپنے آپریشنز کا آغاز کردیا ہے ،گزشتہ ہفتے آذربائیجان کی پہلی فلائیٹ نے اسلام آباد ایئر پورٹ پر لینڈ کیا تھا . آذربائیجان ایئر لائن کی جانب سے اسلام آباد سے باکو کیلئے ہفتے میں دو فلائٹس آپریٹ کی جائیں گی.
