خیبرپختونخوا کے ضلع لوئردیر میں ایسا سکول جہاں ایک بھی استاد نہیں،طلباء خود سے پڑھنے پر مجبور
اردو انٹرنیشنل (مانیٹرنگ ڈیسک ) خیبرپختونخوا کے ضلع لوئردیر میں صوبائی محکمہ تعلیم کی ناقص حکمت عملی اور نالائقی کے باعث ایک ایساعلاقہ بھی ہے جہاں کی طالبات تعلیم سے محروم ہوکر رہ گئی ہیں۔لوئردیر کے علاقے میدان سفرے جہاں بچیوں کے سرکاری اسکول میں 100 طالبات زیر تعلیم ہیں لیکن اب ان طالبات کو اسکول میں پڑھانے کے لیے ایک بھی خاتون ٹیچر میسر نہیں ہے۔
محکمہ تعلیم نے اس اسکول سے تمام 6 خواتین اساتذہ کو دوسرے اسکولوں میں تبادلہ کرکے میدان سفرے کے اس اسکول کو مکمل طورپرخواتین اساتذہ سے محروم کردیا ہے جس کے بعد اور اب اسکول میں طالبات خود حاضری لگاتی ہیں اور خود ہی مل جُل کر ایک دوسرے کو پڑھائی میں مدد دیتی ہیں، یہ بچیاں اپنے آپ کو علم کے زیور سے منور کرنا چاہتے ہیں مگر ان کیلئے اساتذہ نہ ہونے کی وجہ ان کی تعلیمی سال ضائع ہورہا ہے۔موجودہ صورتحال پر طالبات کے والدین اور مقامی انتظامیہ پریشان ہے۔
میڈیا نے ای ڈی او ایجوکیشن مہر انساء سے رابطہ کرنے کی کوشش کی تو ان کے دفتر کے دروازے پرتالا نظر آیا اور وہ فون پر بھی عدم دستیاب رہیں البتہ اُن کے دفتر میں موجود ملازمین سے پتا چلا ہے کہ ٹرانسفر کی جانے والی خواتین ٹیچرز کے ٹرانسفر آرڈر کی منسوخی کیلئے ڈائریکٹریٹ کو لیٹر لکھا گیا لیکن یہ معاملہ کب حل ہوگا یہ بتانے کو کوئی تیار نہیں ہے۔
