رمضان المبارک کا چاند دیکھنے کیلئے مرکزی رویت ہلال کمیٹی کا اجلاس آج ہوگا
اردو انٹرنیشنل (مانیٹرنگ ڈیسک) رمضان المبارک کا چاند دیکھنے کیلئے مرکزی رویت ہلال کمیٹی کا اجلاس آج پشاور میں ہوگا ۔
تفصیلات کےمطابق اجلاس کی صدارت کمیٹی کے چیئرمین مولانا عبدالخبیر آزاد کریں گے ،جس میں مرکزی اور زونل رویت ہلال کمیٹیوں کے معزز اراکین شرکت کریں گے۔اجلاس اوقاف ہال میں ہوگا، تمام انتظامات مکمل کرلئے گئے ۔
اجلاس میں چاند نظر آنے یا نہ آنے کا اعلان کیا جائے گا ۔
مرکزی رویت ہلال کمیٹی کے چیئرمین مولانا آزاد نے کہا کہ رمضان المبارک 1445 ہجری کے چاند کی رویت کا فیصلہ کرنے کے لیے ملک بھر کی زونل کمیٹیوں کے اسی طرح کے اجلاس لاہور، کراچی، کوئٹہ اور اسلام آباد میں ان کے متعلقہ ہیڈ کوارٹرز میں ہوں گے۔
دوسری جانب سعودی عرب میں رمضان المبارک کا چاندکل ہی نظر آگیا تھا اور وہاں پر آج پہلا روزہ ہوگا ۔سعودی عرب میں چاند دیکھنے کیلئے مملکت کی 10
آبزرویٹریز میں اجلاس ہوئے جبکہ سعودی سپریم کورٹ نے بھی عوام سے چاند دیکھنے کی اپیل کی تھی۔
