ایشین اسکواش میں پاکستان نے گروپ کے تمام میچز جیت لیے

اردو انٹرنیشنل اسپورٹس ویب ڈیسک تفصیلات کے مطابق پاکستان نے بدھ کو چین کے شہر ڈالیان میں ایشین ٹیم اسکواش چیمپئن شپ میں گروپ میچز جیت لیے۔

پہلے گروپ میچ میں تھرڈ سیڈ پاکستان نے چھٹی سیڈ کوریا کو 2-1 سے شکست دی جب کہ ناصر اقبال نے جیونگ منگ ریو کو 39 منٹ میں 11-5، 8-11، 11-9، 11-9 سے شکست دی۔

نور زمان نے جویونگ این اے کو 30 منٹ میں 11-7، 12-10، 11-3 سے شکست دی اور عاصم خان نے 68 منٹ میں منوو لی کو 12-10، 11-4، 9-11، 3-11، 3-11 سے شکست دی۔

دوسرے گروپ میچ میں پاکستان نے 12 ویں سیڈ چائنیز تائپے کو 3-0 سے شکست دی جب کہ ناصر نے وی چی یو کو 17 منٹ میں 11-3، 11-6، 11-4 سے شکست دی۔

عاصم نے پین شاؤ یو کو 18 منٹ میں 11-1، 11-2، 11-2 سے اور نور زمان نے لن یو وی کو 17 منٹ میں 11-4، 11-7، 11-3 سے شکست دی۔

اب پاکستان (آج) جمعرات کو 13ویں سیڈ چین کے خلاف کھیلے گا۔ پاکستان پول سی میں کوریا، چائنا تائپے اور چین کے ساتھ ہے۔

اس ایونٹ میں پاکستان کے علاوہ ملائیشیا، ایران، عراق، ہانگ کانگ، سری لنکا، سنگاپور، کوریا، چائنیز تائپے، چین، بھارت، جاپان، کویت اور منگولیا کی ٹیمیں شرکت کر رہی ہیں۔