گھٹنے کی سرجری اچھی ہوئی ہے جلد ایکشن میں واپسی چاہتا ہوں ٹینس اسٹار نوواک جوکووچ
اردو انٹرنیشنل اسپورٹس ویب ڈیسک تفصیلات کے مطابق نوواک جوکووچ کا کہنا ہے کہ وہ گھٹنے کی سرجری کے بعد “جلد سے جلد” کورٹ
میں واپس آنے کی کوشش کریں گے۔
24 بار کے گرینڈ سلیم چیمپیئن فرانسسکو سیرونڈولو کے خلاف چوتھے راؤنڈ میں جیت کے دوران اپنے دائیں گھٹنے میں چوٹ لگنے کے بعد کیسپر روڈ کے خلاف فرنچ اوپن کے کوارٹر فائنل سے باہر ہو گئے تھے ۔
جوکووچ کو مکمل صحت یاب ہونے میں کم از کم تین ہفتے لگیں گے، یعنی جوکووچ یکم جولائی سے شروع ہونے والے ومبلڈن سے باہر ہو سکتے ہیں۔اس کے علاوہ یہ چوٹ پیرس میں 27 جولائی سے شروع ہونے والے اولمپک گیمز کی تیاری پر بھی اثر ڈالے گی۔
جوکووچ نے ایکس (سابقہ ٹویٹر) پر لکھا: “مجھے آپ کو یہ بتاتے ہوئے خوشی ہو رہی ہے کہ سرجری اچھی ہوئی ہے .”
“اس کھیل سے میری محبت مضبوط ہے، اور اعلیٰ سطح پر مقابلہ کرنے کی میری خواہش مجھے (کھیل ) جاری رکھنے کی ترغیب دیتی ہے۔”
جوکووچ سات مرتبہ ومبلڈن چیمپئن ہیں اور گزشتہ سال کے فائنل میں کارلوس الکاراز سے پانچ سیٹ کے میچ میں ہار گئے تھے۔
تاہم، انہوں نے کبھی اولمپک گولڈ نہیں جیتا اور کہا ہے کہ اس سال اسے جیتنا ان کے لیے ایک اہم ہدف ہے۔