اردو انٹرنیشنل اسپورٹس ڈیسک تفصیلات کے مطابق واپڈا نے دوسرے سیمی فائنل میں پاکستان آرمی کو 2-0 سے شکست دے دی.پہلے ہاف میں کوئی ٹیم گول نہ کر سکی۔ دوسرے ہاف میں پہلا گول احمد فہیم نے کھیل کے 58ویں منٹ میں ایک فری کِک کا فائدہ اٹھاتے ہوئے شاندار گول اسکور کیا.
اور میچ کا دوسرا گول شائق دوست نے 90ویں منٹ میں کیا. واپڈا کے احمد فہیم نے کہا کہ ساتھی کھلاڑیوں کا شکریہ جنہوں نے فری کک کے لیے میرا انتخاب کیا ان کا مزید کہنا تھا کہ فائنل میں اسی طرح کارکردگی دکھانے کی کوشش کریں گے ۔ اس جیت کے ساتھ ہی واپڈا نے نیشنل چیلنج کپ 2023 کے فائنل کے لیے کوالیفائی کر لیا.
جبکہ نیشنل چیلنج کپ 2023 کے پہلے سیمی فائنل میں ایس اے گارڈنز نے ایچ ای سی کو 3-2 سے شکست دی.اس میچ کا فیصلہ پینلٹی شوٹ آوٹ پر ہوا. ایس اے گارڈنز کے گول کیپر سلمان کا کہنا ہے کہ کہ میچ مشکل تھا مگر ہم نے بھر پور محنت کی۔ فائنل میں بھی اسی جوش سے میدان میں اتریں گے۔
اب فائنل میں واپڈا اور ایس اے گارڈنز ک مدِ مقابل ہوں گے .نیشنل چیلنج کپ 2023 کا فائنل میچ 12 مئی بروز اتوار رات 8:30 بجے جناح سٹیڈیم، اسلام آباد میں کھیلا جائے گا۔
