اردو انٹرنیشنل (سپورٹس ڈیسک) تفصیلات کے مطابق ، ریحانہ خلیل وہ واحد ایتھلیٹ ہیں جنہوں نے حجاب پہن کر برطانیہ کی باسکٹ بال ٹیم کی نمائندگی کی۔ وہ کہتی ہیں، “اگر میں انگلینڈ میں باسکٹ بال کے بارے میں سوچتی ہوں، تو میں نے ایسا کوئی اور نہیں دیکھا جو جنوبی ایشیائی پس منظر سے ہے، پاکستانی ہے، مسلمان ہے اور حجاب پہنتا ہے،”
وہ مانچسٹر میسٹکس کے لیے انڈر 12 کے پروگرام کی ذمہ داری سنبھالتی ہے اور ویمنز نیشنل باسکٹ بال لیگ ڈویژن 1 میں اپنی سینئر ٹیم کے لیے کھیلتی ہے جو کہ انگلینڈ میں مقابلہ کی دوسری اعلیٰ ترین سطح ہے۔
اس سیزن میں اس نے لیگ کی ہفتہ کی بہترین کھلاڑی کا اعزاز حاصل کیا ہے، جو ہفتہ کی ٹیم میں چار مرتبہ شامل ہے اور اسے آل اسٹار منتخب کیا گیا ہے۔
38 سالہ ریحانہ گزشتہ تین سالوں سے برطانیہ کی 35 سے زائد عمر کی ٹیم کے لیے کھیلتی ہیں اور اس موسم گرما میں اٹلی میں ہونے والی یورپی چیمپیئن شپ میں ان کی نمائندگی کریں گی ۔
جب اس نے پہلی بار باسکٹ بال کھیلنا شروع کیا تو اس نے حجاب نہیں پہنا تھا ۔ لیکن بعد میں، اس نے فیصلہ کیا کہ وہ اسے پہننا چاہتی ہے۔ تاہم، بین الاقوامی باسکٹ بال فیڈریشن نے کھلاڑیوں کے حجاب، پگڑی یا یرمل جیسے مذہبی لباس پہننے پر پابندی لگا دی تھی ۔ تب ریحانہ کو ایسا محسوس ہوا کہ وہ باسکٹ بال نہیں کھیل سکتی۔
لیکن 2017 میں، بین الاقوامی باسکٹ بال فیڈریشن نے یہ پابندی اٹھا لی اور کھلاڑیوں کو مذہبی لباس پہننے کی اجازت دی۔ اس سے ریحانہ خوش ہوئی وہ پھر سے حجاب کے ساتھ باسکٹ بال کھیل سکتی تھی ۔ریحانہ نے کہا اگر یہ پابندی نہ ہٹائی جاتی تو وہ ممکنہ طور پر باسکٹ بال کو الوداع کہہ چکی ہوتی ۔
ریحانہ خلیل کا کہنا ہے کہ لباس ان بہت سی رکاوٹوں میں سے ایک ہے جن کا سامنا مسلم خواتین کو کھیل میں حصہ لینے کے دوران کرنا پڑ سکتا ہے۔
“جب کوئی کھیل میں شامل ہونا چاہتا ہے تو بہت سے عوامل کارآمد ہوتے ہیں – ثقافت، مذہب، آپ کو دوسرے کیسے سمجھتے ہیں، کمیونٹی آپ کو کیسے سمجھے گی وغیرہ ۔”
اس کے علاوہ ایک اور رکاوٹ جس کا ریحانہ کو سامنا ہے وہ کھیل کے اختتام پر مصافحہ ہے، کیونکہ اس کے مذہب کے نزدیک مردوں کے ساتھ جسمانی رابطے سے گریز کرنا بتایا گیا ہے۔ انہوں نے اس پہ کہا کہ
“مجھے حکام سے یہ کہنا ہے کہ میں مردوں کے ساتھ مصافحہ نہیں کرتی ، تو ان میں سے کچھ مجھے مضحکہ خیز انداز میں دیکھتے ہیں، لیکن وہ اس کی وجوہات نہیں سمجھتے”
“مجھے یہ بتانا ہوگا کہ یہ مذہبی وجوہات کی وجہ سے ہے۔”
ریحانہ خلیل باسکٹ بال کمیونٹی کو مختلف مذہبی طریقوں سے آگاہ کرنے کے لیے کوشاں ہیں ۔
حال ہی میں، اس نے شمال مغربی علاقے کے لیے باسکٹ بال انگلینڈ کا انسپائرنگ فیمیل آف دی ایئر کا ایوارڈ حاصل کیا۔
مانچسٹر میسٹکس کے شریک بانی اور اسپورٹس پرسنالٹی آف دی ایئر ان سنگ ہیرو ایوارڈ یافتہ جو فوربر نے ریحانہ خلیل کو “رول ماڈل” قرار دیا۔وہ کہتے ہیں کہ :
” وہ ایک بہترین رول ماڈل ہیں اور لوگوں کو کام کرنے کا صحیح طریقہ سکھاتی ہیں ۔”
