ورچؤل گیمز کے مقابلوں میں پب جی، فری فائر،ٹیکن اور ایف سی24 کے مقابلے شامل

ورچؤل گیمز کے مقابلوں میں پب جی، فری فائر،ٹیکن اور ایف سی24 کے مقابلے شامل
اردو انٹرنیشنل اسپورٹس ڈیسک تفصیلات کے مطابق پاکستان میں ای اسپورٹس کی بڑھتی ہوئی مقبولیت کے پیشِ نظر  گیلکسی ریسرز کی جانب سے شاندار ای اسپورٹس ایونٹس کا انعقاد کیا گیا۔

 ورچؤل گیمز کے ان مقابلوں میں پب جی،فری فائر،ٹیکن اور ایف سی24 کے مقابلے شامل ہیں ،مقابلوں کا  آغاز 17مارچ2024 سے ہوا جس کے فائنل 25-26  اپریل کو ایکسپو سنٹر لاہور میں منعقد ہوں گے۔
 ان مقابلوں میں اب تک کل  1200 سے زائد ٹیموں نے حصہ لیا جو نوجوانوں میں ان کھیلوں کی بڑھتی  ہوئی مقبولیت کا ثبوت ہے۔
 اس طرز کےمقابلے پہلے بھی پاکستان میں 2021 میں منعقد ہو چکے ہیں۔ نوجوانوں کی بے پناہ دلچسپی کے باعث اس سال ان مقابلوں کا انعقاد مزید بڑے پیمانے پر کیا جا رہا ہے۔
 گلیکسی ریسز کی جانب سےان مقابلوں میں کل ساٹھ لاکھ روپے سے زائد کی انعامی رقم کا اعلان کیا گیا ہے، ان مقابلوں کا انعقاد پاکستان میں ورچؤل کھیلوں کے فروغ میں اہم کردار ادا کرے گا۔