انٹر میلان اور اٹلیٹیکو میڈرڈ کے درمیان چیمپیئنز لیگ کے میچ میں متبادل کھلاڑی مارکو آرناوٹوک نے ایک اہم گول کر کے انٹر میلان کو برتری دلائی۔
یہ گول اس وقت ہوا جب لاؤٹارو مارٹینیز کے ایک شاٹ کو ایٹلیٹکو کے گول کیپر جان اوبلاک نے گول پوسٹ پر جانے سے روک دیا ،لیکن گیند آرناوٹوک کی طرف بڑھ گئی جنہوں نے مشکل زاویہ سے ایک مضبوط شاٹ لگا کر گول کیا۔
اس سے قبل دوسرے ہاف میں ارناوٹوک نے گول کرنے کے کئی اچھے مواقع ضائع کیے تھے۔ اس نے کراس بار کے اوپر گیند کو ہیڈ کیا اور بار کے اوپر گیند کو شاٹ مار کر گول کرنے کا موقع گنوا دیا۔
انٹر میلان اور اٹلیٹیکو میڈرڈ کے درمیان کھیلے گئے میچ میں مارکو آرناوٹوک، جو اسٹوک اور ویسٹ ہیم کے لیے کھیلتے تھے، نے مارکس تھورام کی جگہ لی، جو ہاف ٹائم سے ٹھیک پہلے زخمی ہو گئے۔
انٹر میلان، ہوم ٹیم اور گزشتہ سیزن کی چیمپئنز لیگ کی رنر اپ کے پاس گول کرنے کے بہترین مواقع تھے۔ لاؤٹارو کے پاس ہیڈر کے ساتھ دو گول کرنے کے بہترین مواقع تھے، لیکن ایٹلیٹکو کے گول کیپر، جان اوبلاک ان کے سامنے آہنی دیوار بن گئے ۔
الوارو موراتا، جو گھٹنے کی انجری کے باعث باہر ہو گئے تھے، دوسرے ہاف میں ایٹلیٹکو کے متبادل کے طور پر میدان میں آئے، لیکن ان کے آنے سے کھیل پر زیادہ اثر نہیں پڑا ۔
انٹر میلان کے گول کیپر، یان سومر کو کوئی سیو نہیں کرنا پڑا ، جس کی وجہ سے انہیں تمام مقابلوں میں سیزن کی 21ویں کلین شیٹ برقرار رکھنے میں مدد ملی۔
انٹر میلان سیری اے لیگ میں اچھی کارکردگی کا مظاہرہ کر رہا ہے، اور یہ ٹیم 20 دسمبر کے بعد سے کوئی میچ نہیں ہاری ہے۔
