ایشین کپ قطر ،فلسطین کا سفر اختتام پزیر،قطر کی کوارٹر فائنل تک رسائی
کھیل کا آغاز محتاط انداز میں ہوا لیکن میشال برشم کو پہلا چیلنج 19ویں منٹ میں اس وقت پیش آیا جب امیڈ مہاجنا نے 25 گز کے فاصلے سے شاٹ لگانے کی کوشش کی۔ تاہم قطری گول کیپر نے شاندار ڈائیونگ سیو کیا۔ برشام کو اس کے فوراً بعد ایک اور شاٹ بچانا پڑا جب محمود ابو وردہ کو زید قنبر سے پاس ملا۔ اس کے بعد ابو وردہ نے اپنے بائیں پاؤں سے شاٹ ماری، لیکن ایک بار پھر، برشام نے شاٹ بچا لی۔
فلسطینیوں کو بالآخر کامیابی مل گئی جب اودے دباغ نے صورتحال پر قابو پالیا۔ اس نے مہارت کے ساتھ دو قطری ڈیفنڈرز کو پیچھے چھوڑ دیا اور پھر اپنے شاٹ کو نیچے کونے کی طرف لگایا۔ دباغ کا گول ہاف ٹائم سے آٹھ منٹ پہلے ہوا، یہ ایشین کپ میں دباغ کا تیسرا گول تھا۔ دباغ کا یہ گول اس لیے اہم تھا کیونکہ یہ 2015 کے بعد ایشین کپ میں قطر کی طرف سے دوسرا گول تھا۔
پہلا ہاف ختم ہونے سے قبل، اکرم عفیف اور حسن الحیدوس نےمل کر کارنر کک سے اسی طرح گول کیا، جیسا کہ انہوں نے چائنا کے خلاف میچ میں کیا تھا۔ الحیڈوس پنالٹی کی طرف بھاگے اور پہلی بار گیند کو نشانہ بنایا، لیکن ان کا شاٹ مصعب البطات سے ہٹ کر فلسطین کے جال میں چلا گیا۔
ہاف ٹائم کے بعد میزبان ٹیم نے اپنا جارحانہ کھیل جاری رکھا اور محمد صالح نے سلائیڈنگ ٹیکل سے باکس کے اندر الموز علی کو فاؤل کیا جس کے نتیجے میں انہیں پینلٹی کک سے نوازا گیا۔ اس کے بعد عفیف نے پر اعتماد انداز میں پنالٹی اسپاٹ سے دوسرا گول کیا۔ ایشین کپ میں عفیف کے گول اسسٹس کی کل شراکتیں 17 ہو گیئں ،جن میں 5 گول اور 12 اسسٹ بھی شامل ہیں۔ یہ 2011 کے بعد ٹورنامنٹ میں کسی بھی دوسرے کھلاڑی کے مقابلے میں تین گنا زیادہ ہے۔
دوسرے ہاف کے آخر میں، عفیف کو دوبارہ گول کرنے کا موقع ملا جب اس نے 20 گز کے فاصلے سے فری کک لی۔ لیکن بدقسمتی سے، اس کا شاٹ کراس بار سے اوپر چلا گیا۔
جب عبدالعزیز حاتم نے باکس کے کنارے سے شاٹ لگانے کی کوشش کی تو گول کیپر رامی حمادہ نے قطر کے تیسرا گول کرنے کی کوشش کو ناکام بنانے کے لیے عمدہ مہارت دکھائی ۔ اس بعد میدان کے دوسرے سرے پر اسلام بتران نے گول کرنے کی کوشش کی لیکن ان کا شاٹ بھی ہدف سے چوک گیا۔ تاہم کھیل کا اختتام قطر کی 2-1 سے جیت کے ساتھ ہوا۔ فلسطین جس نے ایشین کپ میں پہلی دفع ناک آؤٹ مرحلے تک رسائی حاصل کی تھی ،اس کا سفر اس ہار کے ساتھ ٹورنامنٹ میں اختتام پزیر ہوگیا۔ جبکہ کوارٹر فائنل میں قطر کا سامنا ہفتے کے روز البیت اسٹیڈیم میں راؤنڈ آف 16 کے فاتح ازبکستان یا تھائی لینڈ سے ہوگا ۔
ایشین کپ قطر 2023،بحرین نے اردن کو ہرا کر ٹاپ پوزیشن حاصل کر