ناران میں گلیشیئر گرنے سے کئی ہوٹل تباہ، شاہراہ کاغان بند
اردو انٹرنیشنل (مانیٹرنگ ڈیسک) سیاحتی مقام ناران میں جھیل روڈ پر گلیشیئر گرنے سے 8 ہوٹلوں کو نقصان پہنچا جس کے بعد شاہراہ کاغان پلدراں سے مکمل طور پر بند کر دی گئی۔
ڈائریکٹر جنرل کاغان ڈیولپمنٹ اتھارٹی شبیر خان کے مطابق ناران میں جھیل روڈ پر گلیشئیر ٹوٹنے کے بعد شاہراہ کاغان پلدراں سے مکمل طور پر بند کردی گئی، واقعے میں 8 ہوٹلوں کو نقصان پہنچا تاہم کوئی جانی نقصان نہیں ہوا۔
ڈی جی کے ڈی اے کا کہنا ہے کہ ناران کے راستے برفباری کے باعث بند ہیں۔
مزید برآں ڈپٹی ڈائریکٹر کے ڈی اے امین الحسن نے بتایا کہ انتظامیہ کے ساتھ مل کر مزید معلومات لے رہے ہیں،گلیشیئرز ٹوٹنےسے ناران بازار نقصان سے محفوظ رہا۔
