اردو انٹرنیشنل اسپورٹس ویب ڈیسک تفصیلات کے مطابق پریمیئر لیگ کے میچ میں آرسنل اور ٹوٹنہم ہاٹسپر مدِمقابل تھے جہاں آرسنل کے دو اہم کھلاڑی کپتان مارٹن اوڈیگارڈ اور مڈفیلڈر ڈیکلن رائس انجری اور معطلی کی وجہ سے ٹیم میں شامل نہیں تھے لیکن آرسنل نے منیجر اینج پوسٹیکوگلو کی قیادت میں شاندار کاکردگی کا مظاہرہ کیا ۔
آرسنل کے گول کیپر ڈیوڈ رایا، جنہوں نے حال ہی میں پریمیئر لیگ سیو آف دی منتھ کا ایوارڈ جیتا، نے کھیل کے پہلے آٹھ منٹ میں دو اہم سیو کیے۔ انہوں نے ڈیجان کلوسیوسکی کے ایک طاقتور شاٹ کو روکا اور ایک مشکل کراس کو بھی ٹپ کیا۔
آرسنل نے مقابلہ کیا اور مختصر وقت میں دو اچھے مواقع پیدا کر دیئے۔ سب سے پہلے، کائی ہیورٹز نے 17ویں منٹ میں کراس کو گول کی طرف بڑھایا، لیکن ٹوٹنہم کے گول کیپر، گلیئلمو ویکاریو نے ایک زبردست سیو کیا۔ اس کے تھوڑی دیر بعد، لینڈرو ٹروسارڈ نے گیبریل مارٹینیلی کو ایک اچھا پاس دیا، جو گول کی طرف بھاگے۔ تاہم، مارٹینیلی کے شاٹ میں مطلوبہ کرل کی کمی تھی ، جس وجہ ٹوٹنہم کے گول کیپر ویکاریو نے ایک بار پھرآرسنل کی گول کی کوشش کو ناکام بنا دیا ۔
تاہم ٹوٹنہم کے خلاف آرسنل کی جیت میں گیبریل ہیرو رہے، انہوں نے کھیل کے 64ویں منٹ میں بکائیو ساکا کے کارنر سے ہیڈر کے ذریعے ٹوٹنہم کے گول کیپر ویکاریو کے دفاع کو ناکام بناتے ہوئے کھیل کا واحد گول کیا۔ جبکہ مخالف ٹیم کوئی بھی گول کرنے میں ناکام رہی جس سے کھیل 1-0 سے آرسنل کے حق میں چلا گیا ۔
اس جیت نے آرسنل کے اس سیزن میں پریمیئر لیگ میں ناقابل شکست سلسلے کو برقرار رکھا اور مانچسٹر سٹی کے خلاف آئندہ میچ میں ان کے اعتماد کو مزید بڑھا دیا۔