پی ایس ایل 9 کا فائنل جیتنے پر وزیراعظم کی اسلام آباد یونائیٹڈ کو مبارکباد
اردو انٹرنیشنل ( مانیٹرنگ ڈیسک) تفصیلات کے مطابق وزیراعظم شہباز شریف نے پاکستان سپر لیگ (پی ایس ایل) سیزن 9 کا فائنل جیتنے پر اسلام آباد یونائیٹڈ کو مبارکباد پیش کی ہے۔
وزیراعظم نے پی ایس ایل کے کامیاب انعقاد پر پاکستان کرکٹ بورڈ (پی سی بی)، سیکیورٹی فورسز، انتظامیہ، منتظمین اور شائقین کو خراج تحسین پیش کیا۔
وزیراعظم شہباز شریف نے کہا کہ دونوں ٹیموں نے شاندارکھیل کا مظاہرہ کیا۔ یہ کسی ایک ٹیم کی نہیں پاکستان کی جیت ہے۔ کرکٹ کا کھیل پوری قوم کو متحدہ کرتا ہے۔
انہوں نے کہا کہ پی ایس ایل نے کرکٹ شائقین کو بہترین تفریح مہیا کی اور پی ایس ایل نے گراس روٹ لیول سے ٹیلنٹ کی کھوج میں اہم کردار ادا کیا۔
وزیراعظم کا کہنا تھا کہ پی ایس ایل کی بدولت پاکستان میں بین الاقوامی کرکٹ کی بحالی میں مدد ملی، حکومت ملک میں کرکٹ اور دیگر کھیلوں کے فروغ کے لیے ہر ممکن اقدامات کیلئے پرعزم ہے۔