علی امین گنڈا پور نے 21 ستمبر کو لاہور میں ہر صورت جلسہ کرنے کا اعلان کر دیا ہے
اردو انٹرنیشنل (مانیٹرنگ ڈیسک) علی امین گنڈا پور نے اس حوالے سے 8 ستمبر کو اسلام آباد کے علاقے میں ہونے والے پی ٹی آئی کے جلسے سے خطاب کرتے ہوئے 21 ستمبر کو لاہور جانے کا باضابطہ اعلان کیا تھا۔
جلسے کا حتمی فیصلہ پاکستان تحریک انصاف کی اعلیٰ قیادت 19 ستمبر کو پشاور میں ہونے والے اجلاس میں کرے گی۔اجلاس میں مستقبل کی حکمت عملی، جلسہ گاہ اور روٹ طے کیا جائے گا۔ پی ٹی آئی زرائع کے مطابق جلسے کی قیادت وزیر اعلی خود کریں گے۔ اجلاس میں جلسے کیلئے روانگی اور مقام کا پلان ترتیب دیا جائے گا۔
پی ٹی آئی نے گزشتہ جمعہ ہونے والی احتجاجی ریلی منسوخکر دی تھی۔ پارٹی کے مطابق ریلی منسوخ کرنے کا مقصد لاہور جلسے کی تیاری کرنا تھا۔
اس سے قبل پاکستان تحریک انصاف نے 22 اگست کو لاہور جلسہ منسوخ کیا تھا۔
