اردو انٹرنیشنل اسپورٹس ڈیسک تفصیلات کے مطابق سنٹرل ایشیا والی بال لیگ کے دلچسپ مقابلے اسپورٹس کمپلیکس اسلام آباد میں جاری ہیں . اس ایونٹ میں سری لنکا، ترکمانستان، افغانستان، ایران اور میزبان پاکستان سمیت کل چھ ٹیمیں شامل ہیں .ایونٹ کے چوتھے میچ میں ترکمانستان اور کرغزستان آمنے سامنے تھے جہاں ترکمانستان نے کرغزستان کو تینوں سیٹس میں 25-25-25-،19-22-21 سے شکست دی .
ایونٹ کے پانچویں میچ میں میزبان پاکستان کا مقابلہ سری لنکا سے ہوا ، جہاں پاکستان نے تینوں سیٹس میں سری لنکا کو 25-25 -25 . 21-23-18 سے شکست دی .
ایونٹ کے چھٹے میچ میں ایران اور افغانستان کا مقابلہ ہوا جہاں ایران نے افغانستان کو تینوں سیٹس میں 25-25-25، 17،23،19 سے شکست دی .
تیسرے روز کے پہلے میچ میں سری لنکا اور افغانستان آج دوپہر ایک بجے مدِمقابل ہوں گے . لیگ کا دوسرا میچ کرغستان اور ایران کے درمیان 3:30 بجے کھیلا جائے گا جبکہ کے تیسرے میچ میں میزبان پاکستان اور ترکمانستان آج شام چھ بجے آمنے سامنے ہوں گے .
