Friday, June 21, 2024
پاکستانجسٹس مظاہر کے بعد سپریم کورٹ کے ایک اور سینئر جسٹس...

جسٹس مظاہر کے بعد سپریم کورٹ کے ایک اور سینئر جسٹس اعجاز الاحسن بھی مستعفی

جسٹس مظاہر کے بعد سپریم کورٹ کے ایک اور سینئر جسٹس اعجاز الاحسن بھی مستعفی

اسلام آباد (اردو انٹرنیشنل ) سپریم کورٹ کے سینئر جسٹس اعجازالاحسن سپریم کورٹ کی سنیارٹی میں تیسرے سینئر ترین جج تھے، موجودہ چیف جسٹس آف پاکستان جسٹس قاضی فائز عیسیٰ کی ریٹائرمنٹ کے بعد رواں سال اکتوبر میں انہیں آئندہ کا چیف جسٹس بننا تھا اور اگست 2025 میں ان کی ریٹائرمنٹ ہونا تھی۔

سینئر جسٹس اعجاز الاحسن کے مستعفی ہونے کے بعد اب جسٹس منصور علی شاہ اگلے چیف جسٹس آف پاکستان بنیں گے۔گزشتہ روز سپریم کورٹ کے جج جسٹس مظاہر نقوی نے بھی اپنے عہدے سے استعفیٰ دے دیا تھا۔

سابق جسٹس مظاہر نقوی کے خلاف سپریم جوڈیشل کونسل میں ریفرنس زیر سماعت ہے جس میں ان پر اثاثوں سے متعلق الزامات ہیں جب کہ ان کی ایک مبینہ آڈیو بھی سامنے آئی تھی۔

جسٹس اعجازالاحسن نے دو روز قبل سابق جسٹس مظاہر نقوی کے خلاف سپریم جوڈیشل کونسل کی کارروائی سے اختلاف کیا تھا۔

جسٹس اعجازالاحسن نے آج سپریم جوڈیشل کونسل کے اجلاس میں بھی شرکت نہیں کی تھی اور وہ سپریم جوڈیشل کونسل سے الگ ہوگئے جس کے بعد جسٹس منصور کو کونسل میں شامل کرلیا گیا۔

سینئر صحافی مطیع اللہ جان نے سماجی رابطے کی ویب سائٹ “ایکس ” سابقہ ٹیوٹر پر لکھا ہے کہ جسٹس اعجاز الاحسن کے استعفی کے بعد اگر حالات معمول کے مطابق رہے تو جسٹس منصور علی شاہ ۲۸ نومبر ۲۰۲۴ کو تین سال اور ایک ماہ کے لئے چیف جسٹس کے عہدے کا حلف اُٹھائینگے۔ بظاہر جسٹس اعجاز الاحسن سے جُڑی پی ٹی آئی کی آخری امید بھی دم توڑ گئی ہے۔

دیگر خبریں

Trending

India's race for cobalt will begin in disputed sea waters, China fears

متنازعہ سمندری پانیوں میں کوبالٹ کی ہندوستانی دوڑ شروع ہو جائے...

0
متنازعہ سمندری پانیوں میں کوبالٹ کی ہندوستانی دوڑ شروع ہو جائے گی،چین کو خدشہ اردو انٹرنیشنل‌(مانیٹرنگ ڈیسک) عالمی‌خبر رساں ادارے "الجزیرہ " کے مطابق ...