چیمپئنز لیگ کے 16ویں مرحلے میں لازیو اور بائرن میونخ کے درمیان ایک دلچسپ مقابلہ دیکھنے میں آیا ، جہاں لازیو نے چیمپئنز لیگ کے اپنے میچ کے پہلے مرحلے میں بائرن میونخ کے خلاف حیران کن فتح حاصل کی۔
ہیری کین نے کھیل کے شروع میں گول کرنے کا ایک بہترین موقع گنوا دیا اور ایک اور کھلاڑی موسیالا نے بھی ہاف ٹائم سے پہلے گول کرنے کا موقع گنوا دیا۔اس کے علاوہ ہاف ٹائم کے بعد ہیری کین نے ہیڈر اور بعد میں فری کک سے گول کرنے کا ایک اور بہترین موقع ضائع کر دیا۔ کین چیمپیئنز لیگ کے گروپ مرحلے میں سب سے زیادہ اسکور کرنے والوں میں سے ایک تھا لیکن اس کھیل میں اسے زیادہ مواقع نہیں ملے۔
دوسرے ہاف میں جب ڈیوٹ اپامیکانو نے گستاو اساکسن پر فاؤل کیا۔تو سیرو اموبائل ،نے پنالٹی کک سے سے فاتح گول کیا ۔ اموبائل کے گول نے اسٹیڈیو اولمپیکو میں ہجوم کو پرجوش کردیا۔
ہیری کین جیسے اسٹار کھلاڑی کی موجودگی کے باوجود باوجود بائرن میچ میں کوئی اسکور نہیں کرسکا اور اچھا نہ کھیل سکا۔ اور لازیو کے پاس مزید گول کرنے کے مواقع بھی تھے لیکن بائرن کے گول کیپر نیور نے ان کو روکنے میں اہم کردار ادا کیا ۔ بائرن نے لازیو کے دفاع کو توڑنے کے لئے جدوجہد کی، اور جب انہوں نے ایسا کیا، تو وہ اپنے مواقع سے فائدہ نہیں اٹھا سکے۔
چند روز قبل بنڈس لیگا میں بائر لیورکوسن ،سے میچ ہارنے کے بعد بائرن کے لیے اس میچ کو جیتنا بہت اہم تھا ۔ اور اس شکست نے بائرن کے مینیجر تھامس ٹوچل پر دباؤ بڑھا دیا ۔تاہم بائرن کو کھیل میں زیادہ مواقع گول کرنے کے نہیں ملے، اور دونوں ٹیموں نے اچھا کھیلنے کے لیے جدوجہد کی۔ میچ کا ایک دلچسپ لمحہ وہ تھا جب اپمکنو نے اساکسن پر ایک برا چیلنج کیا، جس کے نتیجے میں لازیو کو جرمانہ ہوا ۔
اس جیت سے لازیو کو میچ کے دوسرے مرحلے کے لیے برتری حاصل ہو گئی ہے، جو 5 مارچ کو میونخ میں کھیلا جائے گا۔
لازیو، جو تیسری بار چیمپئنز لیگ کے آخری 16 میں پہنچ رہا ہے ، ان کا مقصد بائرن میونخ کو ناک آؤٹ کرنا ہے، جو ایک ایسی ٹیم ہے جو چھ بار چیمپئنز لیگ جیت چکی ہے۔
بائرن کے کپتان، نیور نے میچ سے قبل اعتراف کیا تھا کہ ان کی ٹیم پچھلی شکست کی وجہ سے ٹیم اب بھی متاثر ہے، اور لازیو کے خلاف میچ میں ان کی کارکردگی سے یہ ثابت بھی ہوا ۔
بائرن کی ناقص کارکردگی سے یہ امکانات بڑھ گئے ہیں کہ بائرن سیزن کا اختتام بغیر کوئی ٹرافی جیتے کرے گا ، جس کی وجہ سے کوچ ٹوچل کو اپنی ملازمت سے ہاتھ دھونے پڑ سکتے ہیں ۔ اگر بایرن کو چیمپئنز لیگ میں اپنی کامیاب تاریخ کو جاری رکھنا ہے تو اسے بہتر کھیلنا ہوگا۔
