اردو انٹرنیشنل (مانیٹرینگ ڈیسک) اسرائیلی فوج کا کہنا ہے کہ ایران نے اسرائیل پر راتوں رات 300 سے زیادہ ڈرون اور میزائل داغے، جن میں سے 99 % مار گرائے گئے. انہوں نے مزید کہا کہ مسلح افواج مکمل طور پر الرٹ ہیں اور فالو اپ آپشنز پر سوچ رہی ہیں۔
ایک ٹیلی ویژن بریفنگ میں،اسرایئلی فوج کے ترجمان ریئر ایڈمرل ڈینیئل ہگاری نے ایران کے اقدامات کو “انتہائی سنگین” قرار دیا اور کہا کہ وہ “خطے کو کشیدگی کی طرف دھکیل رہے ہیں”۔
ان کا یہ بیان اس وقت سامنے آیا ہے جب ایران نے ہفتے کے روز اسرائیل پر ایک غیر معمولی ڈرون اور میزائل حملہ کیا۔
عالمی خبر رساں ادارے اے ایف پی کے صحافیوں کے مطابق اتوار کی صبح یروشلم کے اوپر آسمان پر دھماکوں کی آوازیں سنی گئیں۔
ایران نے یکم اپریل کو اپنے دمشق قونصل خانے سے ملحقہ عمارت پر فضائی حملے کے بدلے میں اسرائیل پر حملہ کرنے کی بارہا دھمکی دی تھی اور واشنگٹن نے حالیہ دنوں میں بار بار خبردار کیا تھا کہ انتقامی کارروائیاں ہونے والی ہیں۔
دمشق میں ایران کے قونصل خانے پر اسرائیلی حملے میں ہلاکتوں کی تعداد 16 ہے۔
فوجی ترجمان ڈینیئل ہگاری نے قبل ازیں ایک ٹیلی ویژن بیان میں کہا تھا کہ “ایران نے اپنی سرزمین سے اسرائیل کی سرزمین کی طرف UAVs لانچ کیے ہیں۔”
ریئر ایڈمرل ہگاری نے کہا، “ہم امریکہ اور خطے میں اپنے شراکت داروں کے ساتھ قریبی تعاون میں کام کر رہے ہیں تاکہ حملوں کے خلاف کارروائی کی جا سکے اور انہیں روکا جا سکے۔”
ایران کے پاسداران انقلاب نے تصدیق کی ہے کہ دمشق حملے کے جواب میں اسرائیل کے خلاف جوابی ڈرون اور میزائل حملہ کیا جا رہا ہے جس میں سات گارڈز مارے گئے تھے جن میں سے دو جنرل تھے۔